ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

भामरागड, ता.२३: तेंदूपाने तोडावयास गेलेल्या नागरिकांवर अस्वलाने केलेल्या हल्ल्यात एक जण ठार, तर दोन जण गंभीर जखमी झाल्याची घटना काल(ता.२२) दुपारी दोन वाजताच्या सुमारास मिळदापल्ली येथे घडली. राजू विजा मज्जी(४५), असे मृतकाचे, तर सौ.सोनी राजू मज्जी(४०) व मुल्ला केसा मज्जी(४०)अशी जखमींची नावे आहेत. 

हे तिघेही काल गावकऱ्यांसमवेत मिळदापल्लीच्या जंगलात तेंदूपाने तोडावयास गेले होते. पाने तोडत असताना अचानक अस्वलाने हल्ला केला. यात राजू मज्जी जागीच ठार झाला, तर सोनी मज्जी व मुल्ला मज्जी गंभीर जखमी झाले. दोघांना गडचिरोली येथील जिल्हा सामान्य रुग्णालयात भरती करण्यात आले आहे. जिल्हा परिषद सदस्य अॅड.लालसू नोगोटी यांनी घटनास्थळी भेट देऊन पाहणी केली. मृतकाचे नातेवाईक व जखमींना वनविभागाने तत्काळ आर्थिक मदत द्यावी, अशी मागणी अॅड. लालसू नोगोटी यांनी केली आहे.