गडचिरोली, ता़ १५
सागवान तस्करीत सहभागी असल्याच्या संशयावरून वनाधिकार्यांनी वनरक्षकास अटक केल्याची घटना काल १४ सप्टेंबर रोजी सिरोंचा येथे घडली़ पी़आऱसिद्दीकी असे वनरक्षकाचे नाव आहे़
शनिवारी १३ सप्टेंबर रोजी वनाधिकारी जंगलात गस्त घालत असताना त्यांनी सगनपू मोंडी नारायण हा इसम सागवान तस्करी करताना दिसला़ सगनपूची चौकशी केली असता त्याने तस्करीत वनरक्षक सिद्दीकी याचा सहभाग असल्याचे सांगितले़ या माहितीवरून वनाधिकार्यांनी सिद्दीकी यास अटक केली़ त्याला न्यायालयात हजर केले असता, न्यायालयाने त्याची जामीनावर सुटका केली़