अधिक वाचा>>

आमचे मत - तुमचे मत

गडचिरोली	--°C	--°C

जनमताचा कौल

 

गडचिरोली, ता़१७

शेततळे व कोल्हापुरी बंधार्‍याचे काम मिळवून देण्याचे आमीष दाखवून कंत्राटदाराकडून २ लाख रुपयांची लाच स्वीकारताना आरमोरी येथील तालुका कृषी अधिकारी कार्यालयातील दोन पर्यवेक्षकांना लाचलुचपत प्रतिबंधक विभागाच्या अधिकार्‍यांनी आज १७ सप्टेंबरच्या संध्याकाळी रंगेहाथ पकडून अटक केली़ वसंत वंजारी व विनोद भोयर अशी  दोघांची नावे आहेत़

तालुका कृषी विभागातर्फे शेततळे व कोल्हापुरी बंधार्‍याची कामे करण्यात येतात़ आरमोरी तालुक्यात अशाप्रकारचे काम देण्यासाठी कृषी पर्यवेक्षक वसंत वंजारी व गोविंद भोयर यांनी कंत्राटदाराला २ लाख रुपयांची लाच मागितली होती़ यासंदर्भात कंत्राटदाराने लाचलुचपत प्रतिबंधक विभागाकडे तक्रार केली होती़ तक्रारीअंती आज संध्याकाळी ६ वाजता लाचलुचपत प्रतिबंधक विभागाच्या अधिकार्‍यांनी वंजारी व भाेयर यांना सापळा रचून अटक केली़ लाचलुचपत प्रतिबंधक विभागाचे पोलिस अधीक्षक प्रकाश जाधव, अपर पोलिस अधीक्षक श्री़मतकर, उपअधीक्षक रोशन यादव यांच्या मार्गदर्शनाखाली पोलिस निरीक्षक दामदेव मंडलवार यांनी ही कारवाई केली़