गडचिरोली | --°C | --°C |
गडचिरोली, ता.१४: नक्षल्यांशी प्राणाची बाजी लावून लढणाऱ्या १२ पोलिस कर्मचाऱ्यांना राष्ट्रपतींचे पोलिस शौर्यपदक जाहीर झाले असून, त्यात तत्कालिन अतिरिक्त पोलिस अधीक्षक एम.राजकुमार यांच्यासह शहीद जवान दोगे आत्राम व स्वरुप अमृतकर यांचाही समावेश आहे.
पोलिस शौर्यपदक जाहीर झालेल्यांमध्ये तत्कालिन अतिरिक्त पोलिस अधीक्षक एम.राजकुमार(भापोसे), शहीद दोगे डोलू आत्राम(मरणोत्तर), शहीद स्वरुप अशोक अमृतकर(मरणोत्तर), सहायक पोलिस निरीक्षक नितीन अंकुश माने, हेडकॉन्स्टेबल मल्लेश पोचम केडमवार, पोलिस नाईक जितेंद्र मोतीराम मारगाये, कॉन्स्टेबल गजेंद्र हिराजी सौंजाळ, पोलिस उपनिरीक्षक दत्तात्रय भिमराव काळे, पोलिस उपनिरीक्षक प्रफुल्ल प्रभाकर कदम, पोलिस उपनिरीक्षक विजय रमेशराव रत्नपारखी, पोलिस उपनिरीक्षक प्रमोद रंगनाथ भिंगारे व हेडकान्स्टेबल मोतीराम बक्का मडावी यांचा समावेश आहे. पोलिस नाईक दोगे डोलू आत्राम, कान्स्टेबल स्वरुप अशोक अमृतकर हे २२ मार्च २०१५ रोजी एटापल्ली तालुक्यातील जांभीया-गट्टा परिसरातील मुसफर्शी जंगलात नक्षल्यांशी झालेल्या चकमकीत शहीद झाले होते.