ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

गडचिरोली, ता.१६:महाराष्ट्र पुरोगामी प्राथमिक शिक्षक समिती संघटनेने काल(ता.१५) गडचिरोली येथे राष्ट्रवादी काँग्रेसचे अध्यक्ष शरद पवार यांची भेट घेऊन त्यांना शिक्षकांना भेडसावणाऱ्या ज्वलंत समस्यांविषयी चर्चा केली.

समितीचे विभागीय अध्यक्ष राजेश दरेकर यांच्या नेतृत्वात एका शिष्टमंडळाने शरद पवार यांची भेट घेऊन निवेदन दिले. १ नोव्हेंबर २००५ नंतर सेवेत रुजू झालेल्या कर्मचाऱ्यांना जुनी पेंशन योजना लागू करावी, २३ ऑक्टोबर २०१७ च्या शासन निर्णयातील अट क्र. ४ रद्द करावी, सर्व विद्यार्थ्यांना गणवेश द्यावे व त्याविषयीचे अधिकार शालेय व्यवस्थापन समितीला द्यावे, एमएससीआयटीची मुदत मार्च २०१८ पर्यंत वाढविण्यात यावी, शिक्षकांकडील ऑनलाईनची कामे बंद करुन डाटा ऑपरेटरची नियुक्ती करावी, सर्वच उच्च प्राथमिक शाळांना विनाअट मुख्याध्यापक पद मंजूर करावे, सर्व कर्मचाऱ्यांना लवकरात लवकर सातवा वेतन आयोग लागू करावा अशा सुमारे १० मागण्यांचे निवेदन श्री.पवार यांना देण्यात आले. पवार यांनी शिक्षकांचे प्रश्न आस्थेने ऐकून घेऊन शासनाकडे पाठपुरावा करण्याचे आश्वासन दिले.