रविवार, 24 जून 2018
लक्षवेधी :
  शेतकऱ्यांचे उत्पन्न वाढविताना इतर सुविधांची निर्मिती आवश्यक-आकांक्षित जिल्हा कार्यक्रमात मुंबई आयआयटीचे प्रा.सतीश अग्नीहोत्री यांचे प्रतिपादन             कुरखेडा तालुक्यातील शिरपूर व अन्य ठिकाणी मामा तलावांच्या दुरुस्तीचे काम निकृष्ट; शासनाच्या उद्देशाची झाली 'माती'! आ.क्रिष्णा गजबे यांनी दिले चौकशीचे निर्देश             वनविभागाच्या लाल झेंडीमुळे सुरजागड लोहखनिज प्रकल्प अडचणीत             जिल्हा परिषदेच्या समाजकल्याण विभागाचा सहायक लेखाधिकारी एसीबीच्या जाळ्यात-पेंशन केस निकाली काढण्यासाठी निवृत्त महिला कर्मचाऱ्याच्या मुलाकडून स्वीकारली ४ हजार रुपयांची लाच             चंद्रपूर,गडचिरोली व यवतमाळ जिल्हयातील ६ हजार कोटींच्या रस्ते विकास कामांचा मार्ग मोकळा-केंद्रीय गृहराज्यमंत्री हंसराज अहीर यांची माहिती             गडचिरोली येथे कारमेल हायस्कूलच्या मागे नवीन घर विकणे आहे, १६०० स्क्वेअर फूट प्लॉट व १२०० स्क्वेअर फूट बांधकाम-संपर्क ७९७२८८०५१३             नागपूर व गडचिरोली येथे विविध मोक्क्याच्या ठिकाणी वाजवी दरात फ्लॅटस्, प्लॉटस् व जमिनी विक्रीसाठी उपलब्ध-संपर्क साधा ७९७२८८०५१३           

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
95%
नाही :
5%

प्राचार्य डॉ.राजाभाऊ मुनघाटे युनेस्कोच्या परिषदेसाठी दुसऱ्यांदा निमंत्रित

Sunday, 19th November 2017 11:22:32 AM

गडचिरोली, ता.१९: युनेस्कोतर्फे थायलंडमधील बँकाक येथे २३ व २४ नोव्हेंबर रोजी होणाऱ्या आंतरराष्ट्रीय शैक्षणिक परिषदेसाठी कुरखेडा येथील श्री.गोविंदराव मुनघाटे कला व विज्ञान महाविद्यालयाचे प्राचार्य डॉ.राजाभाऊ मुनघाटे यांना निमंत्रित करण्यात आले आहे.

आशिया पॅसिफिक विभागातील १० देशांमधील सुमारे ६० शैक्षणिक क्षेत्रातील तज्ज्ञांना या परिषदेसाठी निमंत्रित करण्यात आले आहे.  त्यात भारतातील तीन जणांचा समावेश असून, राजाभाऊ मुनघाटे हे त्यापैकी एक आहेत. उच्च शिक्षणातील विशिष्ट विषयात गुणवत्तेची मानके विकसित करण्यासाठी कोणते मापदंड असावेत, याविषयी या परिषदेत तज्ज्ञ मंडळी चर्चा करणार आहेत. पुढील १३ वर्षांत उच्च शिक्षणात होणाऱ्या बदलांचा अंदाज घेऊन २०३० सालचे शिक्षण कसे असेल, याविषयीचा आराखडा ही परिषद तयार करणार आहे. पदव्युतर शिक्षणातील अभ्यासक्रम आणि सांस्कृतिक वारस्याचे व्यवस्थापन, तसेच २०३० सालचे शिक्षण डोळ्यापुढे ठेवून संशोधनाचा आराखडा तयार करण्यासाठी मार्गदर्शक तत्त्वे तयार करण्यासंदर्भातही या परिषदेत विस्तृत विचारविमर्श करण्यात येणार आहे.

आतापर्यंत डॉ.राजाभाऊ मुनघाटे यांचे अनेक शोधनिबंध आंतरराष्ट्रीय नियतकालिकांमध्ये प्रकाशित झाले असून, त्यांनी विविध शैक्षणिक परिषदांमध्येही सहभागी होऊन आपले योगदान दिले आहे. १५ व १६ जून २०१७ रोजी चीनमधील शेंजेन येथे झालेल्या युनेस्कोच्या परिषदेत डॉ.राजाभाऊ मुनघाटे सहभागी झाले होते. 'उच्च शिक्षणातील गुणवत्तेची हमी व आव्हाने' हा त्या परिषदेचा विषय होता. 

प्राचार्य डॉ.राजाभाऊ मुनघाटे यांनी राज्य सरकारच्या 'बालभारती' च्या पाठ्यपुस्तक अभ्यास मंडळावर सदस्य म्हणून काम केले आहे. बालभारतीच्या अनुभवापासून तर विद्यापीठस्तरीय विविध अभ्यासक्रम निर्मितीच्या प्रक्रियेत प्रत्यक्ष सहभागापर्यंतच्या प्रवासात आता आंतरराष्ट्रीय स्तरावरील अभ्यासक्रम निर्धारण प्रक्रियेतील सहभागाने प्राचार्य डॉ.मुनघाटे यांच्यासोबतच जिल्ह्याच्या गौरवात नवीन शिरपेच रोवला गेला आहे.

युनेस्कोने निमंत्रित केल्याबद्दल प्राचार्य डॉ.राजाभाऊ मुनघाटे यांचे चाहत्यांनी अभिनंदन केले आहे. 


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
O06VS
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना