गडचिरोली | --°C | --°C |
कुरखेडा, ता.२: मोटारसायकलला झालेल्या अपघातात एक जण जागीच ठार, तर दुसरा गंभीर जखमी झाल्याची घटना आज संध्याकाळी ५.३० वाजताच्या सुमारास कुरखेडा-देसाईगंज मार्गावरील कसारी फाट्याजवळ घडली. विलास दादाजी दडमल(४५)रा.पान्होळी, ता.नागभिड असे मृत इसमाचे नाव असून, गुलाब श्रीराम तोडासे(३०)रा.पान्होळी, हा गंभीर जखमी झाला आहे.
कसारी फाट्याजवळ मोटारसायकलला अपघात होऊन दोघे जण गंभीर अवस्थेत एका झुडपात निपचित पडल्याची माहिती रस्त्याने येणाऱ्या एका इसमाने १०८ क्रमांकाला मोबाईलवरुन दिली. लगेच रुग्णवाहिकेसह डॉक्टर व आरोग्य कर्मचारी घटनास्थळी हजर झाले. त्यांनी जखमीला कुरखेडा येथील उपजिल्हा रुग्णालयात उपचारासाठी दाखल करण्यात आले. मृतकाच्या खिशात आढळलेल्या चिठ्ठीवरुन त्याचे नाव विलास दडमल असल्याचे सांगितले जात आहे.