ठळक बातम्या

• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..

गडचिरोली, ता.७: जानेवारी ते फेब्रुवारी २०१८ मध्ये मुदत संपणाऱ्या कोरची तालुक्यातील जांभळी, सातपुती व बेलगांव ग्रामपंचायतीचे सर्व सदस्य व सरपंचपदासाठी सार्वत्रिक निवडणुकीचा कार्यक्रम जाहीर झाला आहे. 

निवडणुकीची नोटीस २४ नोव्हेंबर २०१७ रोजी प्रसिध्द झाली असून, नामनिर्देशन पत्र दाखल करण्याची तारीख ५ डिसेंबर ते ११ डिसेंबर २०१७ पर्यंत सकाळी ११ ते दुपारी ४.३० पर्यंत राहील. १२ डिसेंबर २०१७ रोजी सकाळी ११ वाजतापासून नामनिर्देशनपत्रांची छाननी करण्यात येईल.  नामनिर्देशनपत्र मागे घेण्याची अंतिम तारीख १४ डिसेंबर २०१७ ही असून, या दिवशी दुपारी ३ वाजता पर्यंत नामनिर्देशनपत्र मागे घेता येईल. त्याच दिवशी निवडणूक चिन्ह वाटप करण्यात येईल, तसेच निवडणूक लढविणाऱ्या  उमेदवारांची अंतिम यादी प्रसिध्द करण्यात येईल. आवश्यक असल्यास २६ डिसेंबर २०१७ रोजी सकाळी ७.३० ते दुपारी ३ वाजतापर्यंत निवडणूक घेण्यात येईल. २७ डिसेंबरला सकाळी १० वाजतापासून तहसील कार्यालय कोरची येथे मतमोजणी करण्यात येणार आहे. २८ डिसेंबर रोजी निवडणुकीचा निकाल प्रसिध्द करण्यात येईल, अशी माहिती तहसीलदारांनी दिली आहे.