ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली, ता.१०: गोंडवाना विद्यापीठाच्या पदवीधर सिनेटसाठी आज घेण्यात आलेल्या निवडणुकीत ५१ टक्के मतदान झाले.

गोंडवाना विद्यापीठाच्या अधिसभा व विविध अभ्यासमंडळांची निवडणूक जाहीर झाली होती. त्यापैकी प्राधिकरण व अभ्यासमडळांवर काही सदस्य अविरोध निवडून आले आहेत. 

पदवीधर सिनेटसाठी खुला प्रवर्ग, इतर मागासवर्ग, अनुसूचित जाती, अनुसूचित जमाती व महिला प्रवर्गातील ५२ जागांसाठी ११७ उमेदवार रिंगणात होते. गडचिरोली जिल्ह्यातील १४ व चंद्रपूर जिल्ह्यातील २२ अशा एकूण ३६ मतदान केंद्रांवर आज सकाळी साडेसात ते संध्याकाळी ५ वाजतापर्यंत मतदान घेण्यात आले. गोंडवाना विद्यापीठाच्या कर्मचाऱ्यांनी त्यासाठी सहकार्य केले. बहुतांश सर्वच केंद्रांवर शांततेत मतदान पार पडले. या निवडणुकीत ५१ टक्के मतदान झाले. सिनेट उमेदवारांना पदवीप्राप्त नागरिक मतदान करतात. त्यासाठी अभाविप, शिक्षक महाआघाडी व अन्य संघटनांनी कंबर कसून उमेदवार रिंगणात उतरविले होते. परंतु मतदार सुशिक्षित असूनही पाहिजे त्या प्रमाणात मतदानासंदर्भात जनजागृती करण्यात न आल्याने अनेक मतदारांनी मतदानाकडे पाठ फिरविली. परिणामी केवळ ५१ टक्के मतदान झाले. अहेरी उपविभागातील पाच तालुक्यांमध्ये केवळ ५८६ मतदार होते. त्यापैकी ४२६ मतदारांनी मतदानाचा हक्क बजावला. त्यामुळे त्या भागात सर्वाधिक ७३ टक्के मतदान झाले.

सिनेट प्राचार्यसाठी ९३ टक्के, सिनेट मॅनेजमेंटसाठी ९२ टक्के, सिनेट टिचरसाठी ९० टक्के, अकॅडेमिक टिचरसाठी ८२ टक्के व बोर्ड ऑफ स्टडीजसाठी ९० टक्के मतदान झाले.

बुधवारी(ता.१३) सकाळी ९ वाजतापासून शासकीय तंत्रनिकेतनमध्ये मतमोजणीला सुरुवात होणार असल्याची माहिती निवडणूक निर्णय अधिकारी तथा विद्यापीठाचे कुलसचिव दीपक जुनघरे यांनी दिली. या निवडणुकीसाठी सहकार्य करणाऱ्यांचे आभारही श्री.जुनघरे यांनी मानले.