मंगळवार, 16 जानेवारी 2018
लक्षवेधी :
   धानोऱ्यात एकाच रात्री सहा ठिकाणी घरफोड्या, नागरिक भयभीत             सरकारी स्वस्त धान्य दुकानातील धान्याची अफरातफर, देसाईगंज पोलिस ठाण्यात तिघांवर गुन्हे दाखल             पतंगाच्या मांजामुळे दोघे जण जखमी-गडचिरोलीतील घटना           

आमचे मत - तुमचे मत

गडचिरोली --°C --°C

जनमताचा कौल

प्रश्न : गडचिरोली जिल्हयातील गैरआदिवासींच्या प्रश्नांकडे राज्य सरकार डोळेझाक करीत आहे, असे वाटते काय?
होय :
77%
नाही :
23%

लैंगिक शोषणप्रकरणी वाळू कंत्राटदार अजय येनगंटी यास अटक

Monday, 11th December 2017 07:06:40 AM

गडचिरोली, ता.११:एका अल्पवयीन मुलीला लग्नाचे आमिष दाखवून तिचे लैंगिक शोषण केल्याप्रकरणी अजय व्यंकटेश येनगंटी(४०)रा.अंकिसा याच्यावर गुन्हा दाखल करुन अटक करण्यात आली आहे.

सविस्तर वृत्त असे की, पीडित मुलीचे वयाच्या १५ व्या वर्षी लग्न झाले. परंतु नवरदेव न आवडल्याने ती दुसऱ्याच दिवशी माहेरी परत आली. मात्र, आईने तिला घरी ठेवण्यास नकार दिला. त्यामुळे पीडित मुलीने पोलिस ठाणे गाठले. पोलिसांनी मुलीच्या आई-वडिलांना समजाविण्याचा प्रयत्न केला. परंतु त्यांनी मुलीला ठेवण्यास नकार दिला. त्यानंतर तिला अंकिसा येथील अजय येनगंटी याच्या आई शकुंतला येनगंटी यांच्या नावाने असलेल्या वसतिगृहात ठेवण्यात आले. पुढे तिला गडचिरोली येथील बालसुधारगृहात ठेवण्यात आले. तेव्हा अजय येनगंटी तिला भेटण्यासाठी जात होता. त्‍याने पीडित मुलीला लग्नाचे आमिष दाखवून तिच्याशी शारीरिक संबंध प्रस्थापित केले. या अत्याचाराला कंटाळून पीडित मुलीने गडचिरोली येथील बाल न्यायमंडळ गाठले व आपबिती सांगितली. त्यानुसार गडचिरोली पोलिसांनी कलम ३७६ भादंवि सहकलम ४,६ बालकाच्या लैंगिक अत्याचार कायदा २०१२ , कलम ९ व १० अन्वये गुन्हा दाखल केला. गडचिरोली पोलिसांनी हे प्रकरण असरअली पोलिसांकडे पाठविले आहे. अजय येनगंटी हा रेती कंत्राटदार असून, पालकमंत्र्यांचा निकटचा असल्याची चर्चा आहे. असरअली पोलिसांनी आज येनगंटीला अटक केली आहे.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
XUS98
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना