ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली, ता.११: रमन मॅगसेसे पुरस्काराने सन्मानित सुप्रसिद्ध समाजसेवक डॉ.प्रकाश आमटे यांची सेंट्रल अॅनिमल वेल्फेअर बोर्डाच्या सदस्यपदी नियुक्ती करण्यात आली आहे. बोर्डाचे सचिव एम. रवीकुमार(आयएफएस) यांनी आज डॉ.आमटे यांना नियुक्तीचे पत्र पाठविले आहे.

डॉ.प्रकाश आमटे यांनी १९७३ मध्ये अतिदुर्गम भामरागड तालुक्यातील हेमलकसा येथे वास्तव्यास जाऊन लोकबिरादरी प्रकल्पाची स्थापना केली. या प्रकल्पात त्यांनी वाघ, बिबट, अस्वल या हिंस्त्र प्राण्यांबरोबरच नाग, रसेल वायपर यासारख्या विषारी सापांनाही आश्रयस्थान उपलब्ध करुन दिले आहे. शिवाय शेकरु या राज्य पक्ष्यासह, मगर, माकड, मोर व अन्य पशुपक्ष्यांचेही तेथे वसतिस्थान आहे. डॉ.आमटे यांच्या जिव्हाळ्यामुळे हिंस्त्र प्राण्यांना त्यांचा लळा लागला आहे. देश व विदेशातील लोक लोकबिरादरी प्रकल्पात जाऊन डॉ.आमटे आणि हिंस्त्र प्राण्यांमधील नाते कुतुहलाने न्याहाळत असतात. त्यांच्या कार्याची दखल घेऊन केंद्रीय अॅनिमल वेल्फेअर बोर्डाने त्यांची सदस्यपदी नियुक्ती केली आहे.