ठळक बातम्या

• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..

गडचिरोली, ता.१९: मित्रावर दाखल असलेल्या गुन्ह्यात सहआरोपी न करण्यासाठी एका वाहनचालकाकडून १० हजार रुपयांची लाच स्वीकारताना लाचलुचपत प्रतिबंधक विभागाच्या अधिकाऱ्यांनी आज धानोरा येथील पोलिस उपनिरीक्षकासह एका खासगी इसमास रंगेहाथ पकडून अटक केली. नरेंद्र आश्रृबा मुंडे(२९), असे पोलिस उपनिरीक्षकाचे, तर मुश्ताक रहीम कुरेशी(४०) असे खासगी इसमाचे नाव आहे.

एसीबीने दिलेल्या माहितीनुसार, तक्रारकर्ता हा वाहनचालक व मालक आहे. त्याचा मित्र जावेद पठाण याच्यावर धानोरा पोलिस ठाण्यात गुन्हा दाखल आहे. या गुन्ह्यात सहआरोपी बनवून अटक न करण्यासाठी पोलिस उपनिरीक्षक नरेंद्र मुंडे याने तक्रारकर्त्यास २० हजार रुपयांची लाच मागितली. तडजोडीअंती तो १० हजार रुपये स्वीकारण्यास तयार झाला. मात्र, लाच देण्याची तक्रारकर्त्याची मुळीच इच्छा नसल्याने त्याने गडचिरोली येथील लाचलुचपत प्रतिबंधक विभागाकडे तक्रार केली. त्यानुसार एसीबीच्या अधिकाऱ्यांनी आज धानोरा येथे सापळा रचला. यावेळी पोलिस उपनिरीक्षक नरेंद्र मुंडे याने तक्रारकर्त्याकडून खासगी इसम मुश्ताक कुरेशी याच्या मार्फतीने १० हजार रुपयांची लाच स्वीकारल्याचे स्पष्ट झाले. यावरुन एसीबीने नरेंद्र मुंडे व मुश्ताक कुरेशी यांच्यावर लाचलुचपत प्रतिबंधक कायद्याच्या कलम ७,१२,१३(१)(ड) व १३(२) अन्वये धानोरा पोलिस ठाण्यात गुन्हा दाखल केला.

एसीबीचे पोलिस अधीक्षक पी.आर.पाटील, अपर पोलिस अधीक्षक विजय माहुलकर, पोलिस उपअधीक्षक रोशन यादव, डी.एम.घुगे यांच्या मार्गदर्शनाखाली पोलिस निरीक्षक एम.एस.टेकाम, सहायक फौजदार मोरेश्वर लाकडे, हवालदार विठोबा साखरे, सत्यम लोहंबरे, शिपाई रवींद्र कत्रोजवार, सतीश कत्तीवार, सुधाकर दंडिकवार, मिलिंद गेडाम, महेश कुकडकर, देवेंद्र लोनबले, गणेश वासेकर, सोनल आत्राम, सोनी तवाडे, तुळशीदास नवघरे व घनश्याम वडेट्टीवार यांनी ही कारवाई केली.