ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली, ता.२३: दोन चिमुकल्या मुलांचा विहिरीत बुडून मृत्यू झाल्याची हृदयद्रावक घटना आज दुपारी १ वाजताच्या सुमारास पोर्ला येथे घडली. दरम्यान, मातेने पोटच्या दोन चिमुकल्यांना विहिरीत ढकलून त्यांची हत्या केल्याची चर्चा गावात असल्याने शंकाकुशंकांना पेव फुटले आहे. अनुप किशोर राऊत(६) व अनुष किशोर राऊत(४) अशी मृत बालकांची नावे आहेत.

पोर्ला येथील किशोर राऊत हे प्राथमिक आरोग्य केंद्राजवळच्या परिसरात आई, वडील, पत्नी व दोन मुलांसह वास्तव्य करतात. ते शेतकरी आहेत. आज दुपारी किशोर राऊत यांची पत्नी गीता राऊत ही आपल्या दोन मुलांना घेऊन श्री.उपासे यांच्या शेतातील विहिरीकडे गेली. त्यानंतर काही वेळानेच दोन्ही मुलांचा विहिरीत बुडून मृत्यू झाल्याची बातमी गावात पसरली. दरम्यान, गीता राऊत हिनेच घरगुती वादातून मुलांना विहिरीत ढकलल्याची चर्चा गावात आहे. घटनेची माहिती मिळताच पोलिस निरीक्षक संजय सांगळे यांनी घटनास्थळी जाऊन पंचनामा केला. याप्रकरणी पोलिसांनी मर्ग दाखल केला आहे. घरगुती वादातून ही घटना झाल्याची प्राथमिक माहिती असून, तपासाअंती सत्यता कळेल, असे श्री.सांगळे यांनी सांगितले.