ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली, ता.२२: सशस्त्र नक्षल्यांनी काल(ता.२१)रात्री एटापल्ली तालुक्यातील लांजी येथील पोलिस पाटलाची गळा चिरुन हत्या केली. कटिया पैका कुमोटी(५४) असे मृत पोलिस पाटलाचे नाव आहे.

काल रात्री  कटिया कुमोटी हे पत्नी, मुलगा व सुनेसह शेतात होते. रात्री ११ वाजताच्या सुमारास १५ ते २० सशस्त्र नक्षलवादी शेतावर गेले. त्यांनी पोलिस पाटील कटिया कुमोटी यास बाहेर नेले. कटियाच्या पत्नीने जाब विचारला असता नक्षल्यांनी काहीही उत्तर दिले नाही. आज सकाळी गावाबाहेरच्या जंगलात कटियाचा मृतदेह आढळून आला. त्याच्या डोक्यावर दगडाने प्रहार करुन नंतर गळा चिरण्यात आला, अशी प्राथमिक माहिती आहे. काही दिवसांपूर्वी लांजी गावानजीकच्या जंगलात चकमक उडाली होती. या चकमकीत एक नक्षलवादी ठार झाला होता. त्यामुळे पोलिस खबऱ्या असल्याच्या संशयावरुन नक्षल्यांनी कटिया कुमोटी याची हत्या केली असावी, असा अंदाज आहे.