सोमवार, 25 जून 2018
लक्षवेधी :
  शेतकऱ्यांचे उत्पन्न वाढविताना इतर सुविधांची निर्मिती आवश्यक-आकांक्षित जिल्हा कार्यक्रमात मुंबई आयआयटीचे प्रा.सतीश अग्नीहोत्री यांचे प्रतिपादन             कुरखेडा तालुक्यातील शिरपूर व अन्य ठिकाणी मामा तलावांच्या दुरुस्तीचे काम निकृष्ट; शासनाच्या उद्देशाची झाली 'माती'! आ.क्रिष्णा गजबे यांनी दिले चौकशीचे निर्देश             वनविभागाच्या लाल झेंडीमुळे सुरजागड लोहखनिज प्रकल्प अडचणीत             जिल्हा परिषदेच्या समाजकल्याण विभागाचा सहायक लेखाधिकारी एसीबीच्या जाळ्यात-पेंशन केस निकाली काढण्यासाठी निवृत्त महिला कर्मचाऱ्याच्या मुलाकडून स्वीकारली ४ हजार रुपयांची लाच             चंद्रपूर,गडचिरोली व यवतमाळ जिल्हयातील ६ हजार कोटींच्या रस्ते विकास कामांचा मार्ग मोकळा-केंद्रीय गृहराज्यमंत्री हंसराज अहीर यांची माहिती             गडचिरोली येथे कारमेल हायस्कूलच्या मागे नवीन घर विकणे आहे, १६०० स्क्वेअर फूट प्लॉट व १२०० स्क्वेअर फूट बांधकाम-संपर्क ७९७२८८०५१३             नागपूर व गडचिरोली येथे विविध मोक्क्याच्या ठिकाणी वाजवी दरात फ्लॅटस्, प्लॉटस् व जमिनी विक्रीसाठी उपलब्ध-संपर्क साधा ७९७२८८०५१३           

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
95%
नाही :
5%

संस्कृतीच्या रक्षणाकरिता मायबोलीचा वापर व्हावा:प्रा.डॉ.नरेंद्र आरेकर

Tuesday, 27th February 2018 05:38:51 PM

कुरखेडा, ता.२७: भाषा संपली की, संस्कृती नष्ट होते. संस्कृतीच्या रक्षणाकरिता मायबोलीचे अस्तित्व अबाधित राहणे गरजेचे आहे. म्हणून दैनंदिन व्यवहारात आपल्या भाषेचा अधिकाधिक वापर झाला पाहिजे, असे प्रतिपादन गोविंदराव मुनघाटे महाविद्यालयाचे प्रा.डॉ.नरेंद्र आरेकर यांनी केले.

राज्य परिवहन विभागातर्फे येथील बसस्थानक परिसरात कवीवर्य कुसुमाग्रज यांच्या जयंतीनिमित्त आयोजित मराठी भाषा दिन व वाचन सप्ताह कार्यक्रमात मुख्य मार्गदर्शक म्हणून ते बोलत होते. नगराध्यक्ष डॉ.महेंद्र मोहबंसी यांच्या हस्ते कार्यक्रमाचे उद्घाटन झाले. अध्यक्षस्थानी माजी पंचायत समिती सदस्य चांगदेव फाये हे होते. प्रमुख अतिथी म्हणून कॉग्रेसचे तालुकाध्यक्ष जयंत हरडे, माजी ग्रामपंचायत सदस्य सिराज पठाण, बसस्थानकप्रमुख राजेश राठोड, भुमेश्वर लिल्हारे, प्रा.विनोद नागपूरकर, पुरुषोत्तम जनबंधू उपस्थित होते.

प्रा.डॉ.आरेकर पुढे म्हणाले, तांत्रिक व वैद्यकीय शिक्षणात केवळ इंग्रजी भाषेचीच मक्तेदारी असल्याने इतर भाषा व मायबोली मराठीच्या महत्त्वावर मर्यादा आली. खरे तर मराठी भाषा ही समृद्ध असून, भाषेतूनच संस्कृती प्रवाहित होत असते. त्यामुळे आपल्या भाषेचा गौरव, अभिमान व प्रेम बाळगत दैनंदिन जीवनात या भाषेचा वापर करण्याची जबाबदारी सर्वांनी स्वीकारावी, असे आवाहनही त्यांनी केले. यावेळी नगराध्यक्ष डॉ.मोहबंसी यांनी विद्यार्थ्यांनी आपल्या दिवसाची सुरुवात मराठी भाषेतून करुन मराठीतच संवाद साधण्याचे आवाहन केले. चांगदेव फाये यांनी मराठी भाषेचे जतन ही काळाची गरज असल्याचे सांगितले.

कार्यक्रमाचे संचालन नोमेश गेडाम यांनी केले. भिमराव सोरते यांनी आभार मानले. याप्रसंगी शिवाजी हायस्कूल व अन्य शाळेचे विद्यार्थी उपस्थित होते.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
39GSR
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना