ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

गडचिरोली, ता.२१: नागपूर विभागीय स्तरावरील व्यावसायिक अभ्यासक्रमातील विद्यार्थ्यांच्या कौशल्य विकासासाठी उत्कृष्ठ कार्य केल्याबद्दल येथील शिवाजी कनिष्ठ विज्ञान महाविद्यालयाचे प्रा.अनिल धामोडे यांचा नुकताच विभागीय स्तरावर सत्कार करण्यात आला.

नागपूर येथील शासकीय औद्योगिक प्रशिक्षण संस्थेच्या सभागृहात आयोजित सत्कार सोहळ्याच्या अध्यक्षस्थानी व्यवसाय शिक्षण व प्रशिक्षण विभागाचे सहसंचालक चंद्रकांत निनाळे, तर प्रमुख अतिथी म्हणून विभागीय निरीक्षक रवी मेहेंदळे, पवार, पुंड, प्राचार्य दारुंडे आदी उपस्थित होते.

शैक्षणिक सत्र २०१७-१८ मध्ये नागपूर विभागातील व्यावसायिक अभ्यासक्रमांसाठी राबविण्यात आलेल्या विविध कौशल्य विकास उपक्रमात प्रा.धामोडे यांनी उल्लेखनीय योगदान दिल्याबद्दल सहसंचालक चंद्रकांत निनाळे यांच्या हस्ते त्यांचा सत्कार करण्यात आला. 

प्रा.धामोडे यांनी आपल्या यशाचे श्रेय शिवाजी शिक्षण संस्थेचे अध्यक्ष अनिल पाटील म्हशाखेत्री, उपाध्यक्ष के.के.पाटील भोयर, सचिव डी.एम.म्हशाखेत्री, सहसचिव दादाजी चापले व सर्व सदस्य तसेच प्राचार्य जी.एम.दिवटे यांना दिले आहे. जिल्हा व्यवसाय शिक्षण व प्रशिक्षण अधिकारी अनंत सोमकुवर, संस्था पदाधिकारी व प्राचार्य यांचे योग्य मार्गदर्शन तसेच सहकार्यामुळेच विद्यार्थ्यांच्या कौशल्य विकासासाठी आपण प्रयत्नरत असल्याचे प्रा.धामोडे यांनी सत्काराला उत्तर देताना सांगितले.