ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

गडचिरोली, ता.९: धानोरा तालुक्यातील मुरुमगाव येथे नक्षल्यांनी पेरुन ठेवलेले दोन भूसुरुंग निकामी करण्यात पोलिसांना यश आले. यामुळे पोलिसांचा घातपात करण्याचा नक्षल्यांचा कट फसला.

८ एप्रिलला संध्याकाळी मुरुमगाव येथे बाजाराकडे जाणाऱ्या रस्त्यावर नक्षल्यांनी भूसुरुंग पेरुन ठेवल्याची माहिती मिळताच मुरूमगाव पोलिस मदत केंद्रातील पोलिस अधिकारी, सीआरपीएफ व एसआरपीच्या जवानांनी घटनास्थळी जाऊन भूसुरुंगाचा शोध घेतला. यावेळी दोन भूसुरुंग पेरुन ठेवल्याचे निदर्शनास आले. पोलिसांनी बॉम्ब शोधक व नाशक पथकास पाचारण केले. त्यानंतर आज सकाळी उपविभागीय पोलिस अधिकारी रणजित पाटील यांच्या उपस्थितीत दोन्ही भूसुरुंग निकामी केले. हे भूसुरुंग १० ते १५ किलो वजनाचे होते.