ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

देसाईगंज, ता.१२: येथील हनुमान वॉर्डात घरात घुसून एका शिक्षकाचा खून केल्याची खळबळजनक घटना काल(ता.११)रात्री ८ वाजताच्या सुमारास घडली. राजाराम परशुरामकर(५४)असे मृत शिक्षकाचे नाव आहे.

राजाराम परशुरामकर हे कुरखेडा तालुक्यातील मालेवाडा येथे शिक्षक म्हणून कार्यरत होते. त्यांच्या मुलाची प्रकृती बरी नसल्याने तो नागपुरातील एका रुग्णालयात उपचार घेत होता. त्यामुळे परशुरामकर यांची पत्नी व मुलगी नागपुरात होते, तर श्री.परशुरामकर हे घरी एकटेच होते. दरम्यान, मुलाची सुटी झाल्याने पत्नी, मुलगी व मुलगा काल रात्री ८ वाजताच्या सुमारास घरी पोहचले. त्याचवेळी तीन-चार युवक घरातून पळून जाताना दिसले. मुलीने आत जाऊन बघितले असता वडील रक्ताच्या थारोळ्यात पडलेले दिसले. माहिती देताच पोलिस घटनास्थळी पोहचले. पळून जाणाऱ्या युवकांपैकी एका युवकाला आपण ओळखत असल्याचे परशुरामकर यांच्या मुलीने पोलिसांना सांगितले. आज सकाळी श्वान पथक घटनास्थळी आले होते. मुलीच्या बयाणावरुन पोलिसांनी एका संशयित युवकास ताब्यात घेतले आहे.

दरम्यान, परशुरामकर यांचा खून कुणी व कशासाठी केला, याविषयी चर्चा सुरु झाली असून, पोलिस तपास करीत आहेत.