गडचिरोली | --°C | --°C |
गडचिरोली, ता.१५: युवक काँग्रेसच्या वतीने सोमवारी(ता.१६) जिल्हाधिकारी कार्यालयावर बेरोजगारांचा मोर्चा काढण्यात येणार आहे.
माजी खासदार नाना पटोले, आ.विजय वडेट्टीवार, माजी खासदार मारोतराव कोवासे, माजी आमदार डॉ.नामदेव उसेंडी, प्रफुल्ल गुडधे पाटील, जिया पटेल, रवींद्र दरेकर आदी मान्यवर या मोर्चाचे नेतृत्व करणार आहेत. सकाळी ११ वाजता इंदिरा गांधी चौकातून मोर्चा निघणार असून, या मोर्चात जिल्ह्यातील सुशिक्षित बेरोजगारांनी मोठ्या संख्येने उपस्थित राहावे, असे आवाहन गडचिरोली-चिमूर लोकसभा क्षेत्राचे युवक काँग्रेसचे अध्यक्ष महेंद्र ब्राम्हणवाडे यांनी केले आहे.