गडचिरोली | --°C | --°C |
गडचिरोली, ता.२१: जागतिक योग दिनाचे औचित्य साधून आज पोलिस दलाच्या वतीने पोलिस मुख्यालयाच्या मैदानावर योग अभ्यासाचे आयोजन करण्यात आले होते. यावेळी पोलिस अधिकारी व शेकडो जवानांनी योगासनाचे धडे गिरविले.
योग प्रशिक्षक संजय देशमुख, वर्षा देशमुख व अथर्व गोहणे यांच्या मार्गदर्शनाखाली सर्वांनी योगासनांचा अभ्यास केला.
पोलिस अधीक्षक डॉ.अभिनव देशमुख यांच्या हस्ते दीप प्रज्ज्वलन करुन कार्यक्रमाची सुरुवात झाली. याप्रसंगी अपर पोलिस अधीक्षक डॉ.महेश्वर रेड्डी, हरी बालाजी, उपविभागीय पोलिस अधिकारी समीरसिंह साळवे उपस्थित होते. या अभ्यासात पोलिस दलातील २० अधिकारी व ४५० जवान आणि कर्मचाऱ्यांनी सहभागी होऊन योगासनाचे धडे गिरविले. यावेळी वर्षा देशमुख यांनी योग दिनाचे महत्त्व विशद केले.