ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली,१६: अल्पवयीन मतिमंद व अपंग मुलीवर बलात्कार करणाऱ्या आरोपीस जिल्हा व सत्र न्यायालयाने १५ वर्षांचा कारावास व ६० हजार रुपये दंडाची शिक्षा ठोठावली आहे. संजय गोवर्धन वाकडे(३२)रा.देलोडा,ता.आरमोरी असे शिक्षा झालेल्या दोषी इसमाचे नाव आहे.

ही घटना २ सप्टेंबर २०१८ ची आहे. या दिवशी पीडित मुलगी आपल्या अंगणात बसली असताना संजय वाकडे तिच्याजवळ गेला. त्यानंतर तिला तिच्या काकाच्या घरी नेऊन तिच्यावर बलात्कार केला. काही वेळाने पीडितेची आजी घरी आली असता तिला ती रडताना दिसली. शिवाय आरोपी तिच्यावर अतिप्रसंग करीत असल्याचे दिसून आले. पीडित मुलीची आई शेतावरुन परतल्यानंतर तिने आरमोरी पोलिस ठाण्यात फिर्याद नोंदवली. त्यावरुन पोलिसांनी आरोपी संजय वाकडे याच्यावर भादंवि कलम ३७६(२), सहकलम ४, ६ पोक्सो कायद्यान्वये गुन्हा दाखल केला. गुन्ह्याचा तपास पूर्ण झाल्यानंतर पोलिस उपनिरीक्षक शीतल राणे यांनी आरोपीविरुद्ध जिल्हा व सत्र न्यायालयात दोषारोपपत्र दाखल केले.

आज या खटल्याचा निकाल लागला. न्यायालयाने फिर्यादी व साक्षदारांचे बयाण नोंदवून व सरकारी पक्षाचा युक्तीवाद ग्राह्य मानून आरोपी संजय वाकडे यास १५ वर्षांचा कारावास व ६० हजार रुपये दंडाची शिक्षा ठोठावली. तसेच पीडित मुलीस ५५ हजार रुपये भरपाई देण्याचा आदेशही पारित केला.

सरकारी पक्षातर्फे जिल्हा सरकारी वकील अनिल प्रधान यांनी बाजू मांडली. कोर्ट पैरवी अधिकारी म्हणून पोलिस निरीक्षक प्रकाश तुनकलवार यांनी जबाबदारी सांभाळली.