ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली,ता.२: शिवसेनेतर्फे जिल्ह्यात ठिकठिकाणी भगवा पंधरवडा कार्यक्रमाचे आयोजन करण्यात येत आहे. गडचिरोली तालुक्यातील अमिर्झा येथे नुकतेच एका कार्यक्रमाचे आयोजन करण्यात आले होते.

शिवसेनेचे जिल्हा संपर्कप्रमुख किशोर पोतदार यांनी यावेळी नागरिकांना संबोधित केले. राज्याचे मुख्यमंत्री उद्धव ठाकरे यांच्या नेतृत्वात महाविकास आघाडीचे सरकार जनकल्याणकारी कामे करीत आहे. मुख्यमंत्र्यानी आखलेल्या शेतीविषयक योजना शेतकऱ्यांपर्यंत पोहोचाव्यात, यासाठी शिवसैनिकांनी पाठपुरावा करावा, असे आवाहन पोतदार यांनी यावेळी केले. 'गाव तेथे शाखा', 'घर तेथे शिवसैनिक' तथा सदस्य नोंदणी अभियान यशस्वी करण्याच्या सूचनाही पोतदार यांनी यावेळी दिल्या.

याप्रसंगी उपजिल्हाप्रमुख अरविंद कात्रटवार, जिल्हा संघटक विलास कोडापे प्रमुख अतिथी म्हणून उपस्थित होते. सत्तेत असो किवा नसो; पण जनतेच्या हितासाठी, त्यांच्या सुखासाठी लढणारा शिवसेना पक्ष आहे. जनकल्याण करण्यासाठी लढण्याचे संस्कार बाळासाहेब ठाकरे यांनी आम्हाला दिले आणि त्याचे तंतोतत पालन करून शिवसैनिक समाजकार्य करीत आहेत, असे कात्रटवार म्हणाले. जिल्हा संघटक विलास कोडाप म्हणाले, शिवसेना व शिवसैनिकाची आतापर्यंतची वाटचाल पुढील काळात येणाऱ्या संपूर्ण निवडणुकीच्या विजयाची नांदी असणार आहे. याप्रसंगी तालुकाप्रमुख गजानन नैताम, उप तालुकाप्रमुख यादव लोहबरे, संजय बोबाटे, शिक्षक सेना जिल्हाप्रमुख ज्ञानेश्वर बगमारे, गणेश दहलकर, निकेश लोहबरे, राहुल सोरते, राहुल नागापुरे,हिवराज रानडे, बालाजी वाकडे, दिनेश नारनवरे,आशिष वाकड़े, श्रीकांत रानडे, महेश बाबनवाड़े, सौरभ कुकडकर, दिनेश रानडे यांच्यासह शेकडो शिवसैनिक व गावकरी उपस्थित होते