ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली,ता.१४: जुन्या वैमनस्यातून महिलेस जिवे मारण्याचा प्रयत्न करणाऱ्या इसमास जिल्हा व सत्र न्यायालयाने ४ वर्षे सश्रम कारावासाची शिक्षा ठोठावली आहे. सुधाकर झिम्टूजी कुमरे, रा.बांधोना, ता.धानोरा असे दोषी इसमाचे नाव आहे.

बांधोना येथील जनाबाई धोंडू कुमोटी ही महिला २३ एप्रिल २०१९ रोजी सरखेडा येथे आपल्या भाचीच्या लग्नाकरिता गेली होती. लग्न आटोपून २७ एप्रिलला ती आपल्या गावी आली. यावेळी सुधाकर कुमरे याने २५ एप्रिलच्या रात्री आपल्या घरावर दगड फेकून मारल्याचे जनाबाई कुमोटीची सून मंदाबाई हिने जनाबाईला सांगितले. त्यानंतर जनाबाई, तिचा मुलगा व सून अंगणात झोपले असताना सुधाकर कुमरे याने सुरीने जनाबाईचे पोट, छाती, मनगट व बोटावर वार करुन तिला जखमी केले. जनाबाईच्या तक्रारीवरुन मालेवाडा पोलिसांनी आरोपी सुधाकर कुमरे याच्यावर गुन्हा दाखल केला. काही दिवसांनंतर त्याला अटक करण्यात आली. तपास पूर्ण होताच पोलिस उपनिरीक्षक रामदास जाधव यांनी जिल्हा व सत्र न्यायालयात दोषारोपपत्र दाखल केले.

आज या खटल्याचा निकाल लागला. जिल्हा व सत्र न्यायालयाने साक्षदारांचे बयाण नोंदवून व सरकारी पक्षाचा युक्तिवाद ग्राह्य मानून आरोपी सुधाकर कुमरे या भादंवि कलम ३०७ अन्वये चार वर्षांचा सश्रम कारावास आणि ३ हजार रुपये दंडाची शिक्षा ठोठावली. सरकारी पक्षातर्फे सहायक जिल्हा सरकारी वकील सचिन कुंभारे यांनी काम पाहिले. कोर्ट पैरवी अधिकारी म्हणून सहायक पोलिस निरीक्षक नारायण बच्चलवार यांनी जबाबदारी सांभाळली.