गुरुवार, 28 मार्च 2024
लक्षवेधी :
  अखेर मार्कडेश्वर मंदिराच्या जीर्णोद्धाराच्या कामाचा शुभारंभ             गडचिरोली: जिल्हाधिकाऱ्यांच्या निवासस्थानातील सुरक्षा रक्षकाची गोळी झाडून आत्महत्या           

गोंडवाना विद्यापीठाचा दीक्षांत समारंभ २८ जानेवारीला

Thursday, 21st January 2021 06:56:37 AM

गडचिरोली,ता.२१: येथील गोंडवाना विद्यापीठाचा आठवा दीक्षांत समारंभ राज्यपाल तथा विद्यापीठाचे कुलपती भगतसिंह कोश्यारी यांच्या अध्यक्षतेखाली २८ जानेवारीला आभासी पद्धतीने होणार असल्याची माहिती विद्यापीठाचे प्र-कुलगुरु डॉ.श्रीराम कावळे व प्रभारी कुलसचिव डॉ.अनिल चिताडे यांनी आज पत्रकार परिषदेत दिली.

डॉ.कावळे आणि डॉ.चिताडे यांनी सांगितले की, कार्यक्रमाला राज्याचे उच्च व तंत्रशिक्षण मंत्री उदय सामंत प्रमुख अतिथी म्हणून उपस्थित राहणार असून, बंगलोर येथील ‘नॅक’चे संचालक डॉ.एस.सी.शर्मा हे दीक्षांत भाषण देणार आहेत. शिवाय कुलगुरु डॉ.श्रीनिवास वरखेडी व प्र-कुलगुरु डॉ.श्रीराम कावळे प्रमुख अतिथी म्हणून उपस्थित राहणार आहे.

आभासी पद्धतीने उद्घाटन कार्यक्रम पार पडल्यानंतर कुलगुरु डॉ.श्रीनिवास वरखेडी व प्र-कुलगुरु डॉ.श्रीराम कावळे यांच्या हस्ते २२ गुणवंत विद्यार्थ्यांना २८ सुवर्णपदके प्रदान करण्यात येतील. त्यात शेख सालेहा आरिफ हिला ३ सुवर्णपदके, सुशभ वानखेडे, सारिका यशवंत खोडे, प्रगती राजेंद्र मेहरे व रुचिता देवेंद्र गरगेलवार यांना प्रत्येकी दोन सुवर्णपदके, मोहित बिजेंद्र यादव यास १ सुवर्णपदक, तसेच ६९ विद्यार्थ्यांना आचार्य पदवीने सन्मानित करण्यात येणार असल्याचे डॉ.कावळे व डॉ.चिताडे यांनी सांगितले.

या समारंभात २०१९-२० या शैक्षणित सत्रातील हिवाळी २०१९ व उन्हाळी २०२० च्या परिक्षेतील अनुक्रमे १५९७ आणि १४९२१ अशा एकूण १६५१८ विद्यार्थ्यांना पदवी प्रदान करण्यात येणार असून, फेसबूक लाईव्ह व यूट्यूबच्या माध्यमातून कार्यक्रमाचे थेट प्रक्षेपण करण्यात येणार असल्याची माहितीही डॉ.कावळे व डॉ.चिताडे यांनी दिली. पत्रकार परिषदेला विज्ञान शाखेचे अधिष्ठाता डॉ.सुरेश रेवतकर, डॉ.जी.डी.दुबे, वर्षा कोल्हे उपस्थित होते.   

 


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
UA09A
  © 2014 - 2024 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना