ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली,ता.३१:  जिल्हयात आज अनेक महिन्यांनंतर प्रथमच ७३ नव्या कोरोनाबाधितांची नोद झाली, तर २२ रुग्ण आजारातून बरे झाल्याने त्यांना रुग्णालयातून सुटी देण्यात आली. जिल्ह्यात आतापर्यंत १० हजार ६२८ जण कोरोनाबाधित आढळून आले आहेत. त्यातील १११ जणांचा मृत्यू झाला आहे, तर १० हजार ५५ रुग्ण आजारातून बरे झाले आहेत. सध्या ४६२ रुग्णांवर उपचार सुरु आहेत. जिल्ह्याचे रुग्ण बरे होण्याचे प्रमाण ९४.६१ टक्के, तर मृत्यूदर १.०४ टक्के एवढा आहे.

नवीन ७३ बाधितांमध्ये गडचिरोली तालुक्यातील १९, अहेरी १९, आरमोरी  ७, भामरागड ११, देसाईगंज १५, चामोर्शी ३, धानोरा २, तर  एटापल्ली, कोरची व कुरखेडा तालुक्यातील प्रत्येकी एका व्यक्तीचा समावेश आहे.

१ एप्रिलपासून कॉन्टॅक्ट ट्रेसिंग वाढणार

जिल्हयात  कोरोना रूग्ण संख्या वाढत असल्याच्या पार्श्वभूमीवर जिल्हाधिकारी दीपक सिंगला यांनी नवीन आदेश काढून यापूर्वी केलेल्या प्रतिबंधित बाबींना १५ एप्रिलपर्यंत मुदतवाढ दिली आहे. तसेच कोरोना रूग्णांच्या संपर्कातील इतर व्यक्तींचा शोध घेण्यासाठी प्रतिबंधित क्षेत्रामध्ये बाधित रुग्णांशी संबंधित कॉन्टॅक्ट ट्रेसिंगचे प्रमाण वाढविण्यात येणार आहे.  पहिल्या ७२ तासाच्या आत किमान ८० टक्के कॉन्टॅक्ट ट्रेसिंग करण्यासंदर्भात आरोग्य विभागाला सूचना देण्यात आल्या आहेत.