गडचिरोली | --°C | --°C |
गडचिरोली,ता.७: जिल्हयात आज कोरोनामुळे चार जणांचा मृत्यू झाला. शिवाय १८५ जणांना कोरोना विषाणूचा संसर्ग झाल्याचे निदान झाले, तर २८ रुग्णांनी आजारावर मात केल्याने त्यांना रूग्णालयातून सुटी देण्यात आली.
आज गडचिरोली शहरातील गोकुळनगर येथील ६६ वर्षीय पुरुष, कुरखेडा तालुक्यातील गुरनोली येथील ६० वर्षीय महिला, देसाईगंज तालुक्यातील कोरेगाव(चोप) येथील ४५ वर्षीय महिला तसेच गडचिरोली शहरातील रामनगर येथील ५० वर्षीय महिलेचा कोरोनामुळे मृत्यू झाला.
आजच्या नवीन १८५ बाधितांमध्ये गडचिरोली तालुक्यातील ६७, अहेरी १४, आरमोरी १४, भामरागड ११, चामोर्शी ८, धानोरा ९, एटापल्ली ७, कोरची ४, कुरखेडा ६, मुलचेरा ३, सिरोंचा ५, तर देसाईगंज तालुक्यातील २७ व इतर जिल्ह्यातील १० जणांचा समावेश आहे.
जिल्ह्यात आतापर्यंत ११३८३ जण कोरोनाबाधित आढळून आले आहेत. त्यातील १२२ जणांचा मृत्यू झाला आहे, तर १०४०५ रुग्ण आजारातून बरे झाले आहेत. सध्या ८५६ रुग्णांवर उपचार सुरु आहेत. जिल्ह्याचे रुग्ण बरे होण्याचे प्रमाण ९१.४१ टक्के, तर मृत्यूदर १.०७ टक्के झाला आहे.