अधिक वाचा>>

आमचे मत - तुमचे मत

गडचिरोली	--°C	--°C

जनमताचा कौल

 

कुरखेडा, ता. ५: येथील एका शेतात महिलेची गळा चिरून हत्या करण्यात आली आहे. शीलाबाई पुंडलिक कसारे(५५)रा.कुरखेडा असे मृत महिलेचे नाव आहे. 

शीलाबाई कसारे हिची कुरखेडा-वाकडी मार्गावर सती नदीच्या काठाजवळ पट्ट्याने मिळालेली शेती आहे. काल(ता.४) ती आपल्या दोन्ही मुलांसह शेतावर पेरणीकरिता गेली होती. दुपारी दोन्ही मुले घरी आली. मात्र शीलाबाई शेतातच होती. संध्याकाळ होऊनही आई घरी न आल्याने एका मुलाने शेतावर जाऊन बघितले. परंतु ती सापडली नाही. मध्यरात्री मुलीने संपूर्ण शेत पिंजून काढले, तेव्हा शीलाबाईचा मृतदेह रक्ताच्या थारोळ्यात आढळून आला. शीलाबाईचा पती पुंडलिक कसारे हा दोन महिन्यांपासून एका गुन्ह्यात कारागृहात आहे. त्यामुळे तिची हत्या कोणी व कशासाठी केली, याबाबत तर्कवितर्क सुरू आहेत. कुरखेडा पोलीस घटनेचा तपास करीत आहेत.