ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

गडचिरोली,ता.६:विधानसभाध्यक्षांनी भाजपच्या १२ आमदारांना निलंबित केल्याच्या निषेधार्थ आज गडचिरोलीत भाजप कार्यकर्त्यांनी महाविकास आघाडी सरकारच्या प्रतिकात्मक पुतळ्याचे दहन करीत आमदारांचे निलंबन तत्काळ मागे घेण्याची मागणी केली.

भाजप, भाजयुमो आणि भाजपच्या ओबीसी आघाडीच्या पदाधिकाऱ्यांनी आज दुपारी गडचिरोलीत महाविकास आघाडी सरकारच्या विरोधात घोषणाबाजी केली. विधानसभा सभागृहात ओबीसी आरक्षणासंदर्भात चर्चेत सहभागी  करावे, यासाठी  भारतीय जनता पक्षाच्या आमदारांनी तालिका अध्यक्षांना  विनंती  केली. मात्र, महाविकास आघाडी सरकारने जाणीवपूर्वक  सभागृहात गोंधळ घातल्याचा व तालिका अध्यक्षांना शिवागीळ केल्याचा खोटा आरोप ठेवून सूडबुद्धीने भाजपच्या १२ आमदारांना निलबित केले. हे निलंबन म्हणजे लोकशाहीची क्रूर हत्या  असून, निलंबन तत्काळ मागे घ्यावे, अशी मागणी कार्यकर्त्यांनी केली.

भाजपचे जिल्हा सरचिटणीस नगरसेवक प्रमोद पिपरे, नगराध्यक्ष योगिता पिपरे, नगर परिषद उपाध्यक्ष अनिल कुनघाडकर, जिल्हा सरचिटणीस गोविंद सारडा, प्रशांत वाघरे, ज्येष्ठ नेते सुधाकर येनगंधलवार, भाजपचे शहराध्यक्ष मुक्तेश्वर काटवे, ओबीसी आघाडीचे नेते भास्कर बुरे, नगरसेवक रमेश भुरसे, अनिल पोहनकर, दलित आघाडीचे नेते जनार्धन साखरे, युवराज बोरकुटे, विनोद देवोजवार, श्याम वाढई यांच्यासह नगरसेवक व पदाधिकारी सहभागी झाले होते.