ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली,ता.१५: अंगणवाडीत स्वयंपाक करणाऱ्या महिलेचे मानधन अदा करण्यासाठी तिच्याकडून २ हजार रुपयांची लाच स्वीकारताना लाचलुचपत प्रतिबंधक विभागाच्या अधिकाऱ्यांनी आज स्वातंत्र्यदिनी गडचिरोली तालुक्यातील मरेगाव येथील ग्रामसेविका प्रीती लक्ष्मीकांत त्रिशुलवार(३५) हिला रंगेहाथ पकडले.

एसीबीने दिलेल्या माहितीनुसार, तक्रारकर्त्या महिलेला ग्रामपंचायत कार्यालयाकडून तिच्या मानधनाचा धनादेश घ्यावयाचा होता. परंतु धनादेश देण्याचा मोबदला म्हणून ग्रामसेविका प्रीती त्रिशुलवार हिने तिला पंचांसमक्ष ३ हजार रुपयांची मागणी केली. तडजोडीअंती ती २ हजार रुपये स्वीकारण्यास तयार झाली. परंतु लाच देण्याची मुळीच इच्छा नसल्याने स्वयंपाकी महिलेने गडचिरोली येथील लाचलुचपत प्रतिबंधक विभागाकडे तक्रार केली. त्यानुसार या विभागाच्या अधिकाऱ्यांनी आज मरेगाव ग्रामपंचायत कार्यालय परिसरात सापळा रचला. यावेळी तक्रारकर्त्या महिलेकडून २ हजार रुपयांची लाच स्वीकारताना ग्रामसेविका प्रीती त्रिशुलवार हिला ग्रामपंचायत कार्यालयासमोर एसीबीच्या अधिकाऱ्यांनी रंगेहाथ पकडले. तिच्यावर आरमोरी पोलिस ठाण्यात भष्ट्राचार प्रतिबंधक अधिनियम १९८८ च्या कलम ७ अन्वये गुन्हा दाखल करण्यात आला आहे.

एसीबीचे पोलिस उपअधीक्षक सुरेंद्र गरड, हवालदार प्रमोद ढोरे, नथ्थू धोटे, शिपाई सतीश कत्तीवार, सुधाकर दंडिकवार, महेश कुकुडकार, किशोर ठाकूर, गणेश वासेकर, सोनल आत्राम, सोनी तावाडे, तुळशीराम नवघरे यांनी ही कारवाई केली.