ठळक बातम्या

• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..

कोरची,ता.१०: तालुका मुख्यालयापासून सुमारे १२ किलोमीटर अंतरावर मसेली गावानजीक असलेल्या सावली येथील जंगलात वीज कोसळून शंभराहून अधिक शेळ्या व मेंढ्यांचा मृत्यू झाला. ही घटना काल(ता.९) रात्री ११ वाजताच्या सुमारास घडली.

 कोरची तालुक्यात दरवर्षी राजस्थान व गुजरात येथून काही मेंढपाळ शेळ्या व मेंढ्या घेऊन येत असतात. यंदा हे मेंढपाळ दोन डेरे घालून वसलेले आहेत. त्यापैकी एक डेरा बेळगाव परिसरात, तर दुसरा डेरा सावली परिसरात आहे.  दोन्ही डेऱ्यांमध्ये ७-८ परिवारांचा समावेश आहे.

९ सप्टेंबरच्या रात्री ११ वाजताच्या सुमारास सावली परिसरात विजेच्या कडकडाटासह मुसळधार पाऊस पडू लागला. अशातच अचानक डेऱ्याजवळच वीज कोसळल्याने जवळपास ११० शेळ्या व मेंढ्या जागीच ठार झाल्या. यामुळे मेंढपाळांचे सुमारे ५ ते ६ लाख रुपयांचे नुकसान झाले आहे. घटनेची माहिती मिळताच कोरचीचे तहसीलदार छगनलाल भंडारी यांनी २ ते ३ किलोमीटर पायी चालून घटनास्थळाला भेट देऊन पाहणी केली.