सोमवार, 25 ऑक्टोबर 2021
लक्षवेधी :
  गरिबांचा प्रवास महागला:एसटीची १७.१७ टक्के भाडेवाढ, २५ ऑक्टोबरच्या मध्यरात्रीपासून लागू             ओडिशातून भटकत आलेल्या रानटी हत्तींचा कोरची, धानोरा तालुक्यात धुमाकूळ, हत्तीच्या हल्ल्यात एक शेतकरी जखमी, पिकांचीही केली नासधूस             जहाल नक्षलवादी मंगरु मडावी यास पेरमिली परिसरातून अटक             ओबीसींच्या अर्धा टक्का आरक्षणालादेखील हात लावू देणार नाही: गडचिरोली येथील राष्ट्रवादी काँग्रेसच्या कृतज्ञता मेळाव्यात छगन भुजबळ यांचा इशारा             १८ ऑक्टोबर कोरोना अपडेट: गडचिरोली जिल्ह्यात एकही बाधित वा कोरोनामुक्त नाही           

युवक काँग्रेसतर्फे पंतप्रधानांचा वाढदिवस ‘बेरोजगार दिवस’ म्हणून साजरा

Friday, 17th September 2021 06:02:51 AM

गडचिरोली,ता.१७: पंतप्रधान नरेंद्र मोदी यांचा वाढदिवस आज आरमोरी येथे युवक काँग्रेसने ‘बेरोजगार दिवस’ म्हणून साजरा केला. यावेळी कार्यकर्त्यांनी ये-जा करणाऱ्यांना चहा पाजून केंद्र सरकारच्या धोरणांचा विरोध केला.

युवक काँग्रेसचे जिल्हाध्यक्ष महेंद्र ब्राह्मणवाडे यांच्या नेतृत्वात हे आगळेवेगळे आंदोलन करण्यात आले. पंतप्रधान नरेंद्र मोदी यांनी सत्तेत येताच दरवर्षी २ कोटी बेरोजगारांना रोजगार देण्याचे आश्वासन दिले होते. परंतु २ कोटी बेरोजगारांना रोजगार मिळालाच नाही;उलट कोरोना संसर्गाच्या काळात अनेक जणांचा रोजगार हिरावला गेला, अशी टीका महेंद्र ब्राम्हणवाडे यांनी केली. कार्यकर्त्यांनी ये-जा करणाऱ्यांना चहा वाटून बेरोजगारी वाढत असल्याचे निदर्शनास आणून दिले. युवकांचे भविष्य लक्षात घेऊन केंद्र सरकारने रोजगार निर्मिती करावी, अशी मागणी यावेळी करण्यात आली.

या आंदोलनात युकाँचे विधानसभा अध्यक्ष तथा नगरसेवक मिलिंद खोब्रागडे, युवक काँग्रेसचे महासचिव नीलेश अंबादे, तालुकाध्यक्ष सौरभ जक्कनवार, शहराध्यक्ष सूरज भोयर,साबीर शेख,सुरेंद्र सेलोटे, रुपेश जोंजाळकर, भुपेश वाकडे, मंगेश पाटील, मयूर सोमनकर, अमित सोमनकर, कमलेश दुधबळे, अतुल सोमनकर, अमोल धोडरे, स्वप्नील राऊत, नामदेव गोंदोडे, निकेश फुलबांधे, खेमचंद चाटाळे, सूरज सोमनकर, गोविंदा मेश्राम, प्रफुल कहालकर, अजय नारनवरे, सुमित आंबोरकर, जितेंद्र सोमनकर ,रोशन बाकमवर इत्यादी युवक काँग्रेस कार्यकर्ते सहभागी झाले होते.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
00344
  © 2014 - 2021 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना