गडचिरोली | --°C | --°C |
गडचिरोली,ता.११: लखीमपूर खिरी येथे घडलेल्या हिंसाचाराच्या निषेधार्थ आज महाविकास आघाडीतील घटक पक्षांनी पुकारलेल्या जिल्हा बंदला चांगला प्रतिसाद मिळाला.
आज कॉग्रेस, राष्ट्रवादी काँग्रेस, शिवसेना यांच्यासह भाकप, रिपब्लिकन पक्ष, शेकाप इत्यादी पक्षांच्या कार्यकर्त्यांनी गडचिरोली येथे केंद्र व उत्तरप्रदेश सरकारविरोधात घोषणाबाजी केली. त्यानंतर बाजारेपठेत फिरुन दुकानदारांना दुकाने बंद ठेवण्याचे आवाहन केले. त्यांच्या आवाहनाला चांगला प्रतिसाद मिळाला. गडचिरोली, आरमोरी, देसाईगज, कुरखेडा, कोरची, धानोरा, चामोर्शी, अहेरी, सिरोंचा, मुलचेरा, एटापल्ली इत्यादी ठिकाणीही बंदला उत्तम प्रतिसाद मिळाला.