ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली,ता.२४: जिल्ह्यात आतापर्यंत ७३.५५ टक्के नागरिकांनी कोविड प्रतिबंधक लसीचा पहिला, तर ३४.२५ टक्के नागरिकांनी दुसरा डोज घेतला आहे.

जिल्ह्यातील ११ लाख ८८ हजार नागरिकांपैकी ८ लाख ३५ हजार नागरिकांच्या लसीकरणाचे उद्दिष्ट ठेवण्यात आले आहे. त्यातील ६ लाख १४ हजार १४१ नागरिकांनी कोविड प्रतिबंधक लसीचा पहिला डोज घेतला आहे. २ लाख ८६ हजार २२ नागरिकांनी दुसरा डोज घेतला आहे. अशाप्रकारे ९ लाख १६३ नागरिकांनी हे डोज घेतले आहे. आता २ लाख २० हजार ८६६ नागरिकांना पहिला, तर ५ लाख ४८ हजार ९८५ नागरिकांना दुसरा डोज द्यावयाचे बाकी आहे. पहिला डोज घेण्यात चामोर्शी तालुका आघाडीवर असून, गडचिरोली तालुक्याचा दुसरा क्रमांक आहे. नागरिकांनी लसीकरण करुन घ्यावे, असे आवाहन जिल्हाधिकारी संजय मीणा यांनी केले आहे.

लसीकरणात माघारलेले तालुके

अजूनही पहिला डोज देण्यात माघारलेल्या तालुक्यांमध्ये अहेरी तालुका पहिल्या, तर एटापल्ली तालुका दुसऱ्या क्रमांकावर आहे. अहेरी तालुक्यात ४४ हजार १९८ नागरिकांना, तर एटापल्ली तालुक्यात ३६ हजार ७७२ नागरिकांना पहिला डोज देणे शिल्लक आहे. चामोर्शी तालुक्यात ३२ हजार ७३९ नागरिकांना पहिला डोज देणे बाकी असून, हा तालुका लोकसंख्येच्या दृष्टीने तिसऱ्या क्रमांकांवर आहे. या तीन तालुक्यांत लसीकरणाची गती वाढविण्याबाबत जिल्हाधिकारी संजय मीणा यांनी यंत्रणेला सूचना दिल्या आहेत.