ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

गडचिरोली,ता.१४: पोलिसांनी आज जहाल नक्षली करण उर्फ दुलसा नरोटे यास एटापल्ली तालुक्यातील गट्टा(जांभिया) पोलिस मदत केंद्राच्या हद्दीतून अटक केली. गट्टा पोलिस मदत केंद्रातील पोलिस आणि केंद्रीय राखीव दलाच्या १०१ बटालियनचे जवान आज संयुक्तपणे नक्षलविरोधी अभियान राबवीत असताना करण उर्फ दुलसा नरोटे यास अटक करण्यात आली.

करण हा नक्षल्यांच्या प्लाटून क्रमांक १४ चा सशस्त्र दलम सदस्य होता. शिवाय तो गट्टा दलम आणि नक्षल्यांच्या ऍ़क्शन टीमचाही सदस्य होता. शासनाने त्याच्यावर २ लाख रुपयांचे बक्षीस जाहीर केले होते. २००८ मध्ये दोबूर, कोरेपल्ली, २०१० मधील मिरकल इत्यादी ठिकाणी झालेल्या चकमकी, राजू धुर्वा आणि चुक्कू यांचा खून, तसेच १४ ऑगस्ट २०२० रोजी कोठी पोलिस मदत केंद्रातील पोलिस दुष्यंत नंदेश्वर याची हत्या, तसेच अन्य हिंसक कारवायांमध्ये करण उर्फ दुलसा नरोटे याचा सहभाग होता. त्याच्यावर १६ गुन्हे दाखल आहेत, अशी माहिती पोलिसांनी दिली.