गडचिरोली | --°C | --°C |
गडचिरोली,ता.१४: आज गडचिरोली शहरातील रामनगर येथील एका ७० वर्षीय वृद्धाचा कोरोनामुळे मृत्यू झाले. शिवाय १०१ नवे बाधित आढळून आले, तर ४ रुग्ण कोरोनामुक्त झाले.
आजच्या नवीन १०१ बाधितांमध्ये गडचिरोली तालुक्यातील ६४, अहेरी ३, आरमोरी ५, भामरागड २, धानोरा ५, मुलचेरा ६, कोरची २, देसाईगंज १० आणि चामोर्शी, एटापल्ली, सिरोचा व कुरखेडा तालुक्यातील प्रत्येकी एका जणाचा समावेश आहे. जिल्ह्यात आतापर्यंत ३१ हजार ४१४ जण बाधित आढळून आले आहेत. त्यातील ७४८ जणांचा मृत्यू झाला आहे, तर ३० हजार २२१ रुग्ण आजारातून बरे झाले आहेत. सध्या ४४५ रुग्ण उपचाराधीन आहेत. जिल्ह्याचे कोरोना रुग्ण बरे होण्याचे प्रमाण ९६.२० टक्के, तर मृत्यूदर २.३८ टक्के झाला आहे.