/* */
रविवार, 3 जुलै 2022
लक्षवेधी :
  अ.भा.आंतरविद्यापीठ वूडबॉल स्पर्धेत गोंडवाना विद्यापीठाच्या संघाने पटकावले सुवर्ण आणि कांस्य पदक             नक्षल्यांनी रस्त्याच्या कामावरील सहा वाहने जाळली: भामरागड तालुक्यातील विसामुंडी येथील घटना             वाघाच्या हल्ल्यात शेतकरी ठार: आरमोरी तालुक्यातील बोरीचक येथील घटना             कंत्राटदाराकडून पाच हजारांची लाच स्वीकारताना कुरखेडा नगर पंचायतीचा लिपिक एसीबीच्या जाळ्यात             गडचिरोली येथे आरमोरी रोड आणि कारमेल हायस्कूलच्या मागे दोन प्रशस्त घरे विकावयाची आहेत: संपर्क: ९४०५१४३६७०           

वाघाच्या हल्ल्यात शेतकरी ठार

Saturday, 14th May 2022 07:03:51 AM

गडचिरोली,ता.१४: आज भल्या सकाळी शेतावर गेलेल्या इसमावर वाघाने हल्ला करुन त्यास ठार केल्याची घटना आरमोरी शहरानजीक घडली. नंदू गोपाळा मेश्राम(५०)रा.आरमोरी असे मृत शेतकऱ्याचे नाव आहे. आरमोरी तालुक्यात वाघाच्या हल्ल्यात नागरिक ठार होण्याची चोवीस तासांतील ही दुसरी घटना आहे.

नंदू गोपाळा मेश्राम हे आज सकाळी आरमोरी-देसाईगंज मार्गावरील नगर परिषदेच्या डंपींग यार्डसमोरील आपल्या शेतावर उन्हाळी धानपिकाची पाहणी करण्याकरिता गेले होते. शेतातून जात असताना दबा धरुन बसलेल्या वाघाने त्यांच्यावर हल्ला केला. यात ते जागीच गतप्राण झाले. घटनास्थळ हे आरमोरी शहरापासून अवघ्या एक किलोमीटर अंतरावर आहे. माहिती मिळताच नागरिकांनी घटनास्थळी एकच गर्दी केली. वनाधिकाऱ्यांनी घटनास्थळ गाठून मृतदेहाचा पंचनामा केला. कालच अरसोडा येथील एका महिलेला वाघाने ठार केले होते. त्यानंतर चोवीस तासांतील ही दुसरी घटना आहे. यामुळे नागरिक भयभीत झाले असून, वाघाच्या बंदोबस्तासाठी वनविभागाच्या कार्यालयावर मोर्चा काढण्याचा इशारा मार्क्सवादी कम्युनिस्ट पक्षाचे जिल्हा सचिव अमोल मारकवार व काँग्रेसच्या आदिवासी आघाडीचे सचिव दिलीप घोडाम यांनी दिला आहे.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
63DHW
  © 2014 - 2022 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना