गडचिरोली | --°C | --°C |
गडचिरोली,ता.१६: सरपण आणण्यासाठी जंगलात गेलेल्या इसमास वाघाने ठार केल्याची घटना आज सकाळी साडेआठ वाजताच्या सुमारास आरमोरी तालुक्यातील इंजेवारी येथे घडली. वासुदेव मुरलीधर मेश्राम(४५) असे मृत इसमाचे नाव आहे.
वासुदेव मेश्राम यांचा मृतदेह आढळून आल्याने नागरिक भयभित झाले आहेत. दरम्यान, हल्ला करणारा वाघ ब्रम्हपुरी वनक्षेत्रातून आलेला असून, त्याने त्या भागात अनेक नागरिकांना ठार केले आहे. या वाघाला पकडण्यासाठी ताडोबा व्याघ्र प्रकल्पातील कर्मचाऱ्यांची चमू लवकरच दाखल होणार असल्याची माहिती वडसा वनविभागाचे उपवनसंरक्षक श्री.सालविठ्ठल यांनी दिली.