/* */
शुक्रवार, 7 ऑक्टोबर 2022
लक्षवेधी :
  वाघाच्या हल्ल्यात गुराखी ठार: पोर्ला वनपरिक्षेत्रांतर्गत देलोडा गावानजीकच्या जंगलातील घटना             रक्तदान शिबिराद्वारे महेंद्र ब्राम्हणवाडे यांच्या जिल्हाध्यक्षपदाची वर्षपूर्ती साजरी             आरमोरीजवळच्या गाढवी नदीच्या पुलावर अपघात: गडचिरोलीचे आ.डॉ.देवराव होळी थोडक्यात बचावले             चारित्र्यावर संशय घेऊन पतीने केली पत्नीची हत्या: कोवानटोला-जपतलाई येथील घटना             एटापल्ली तालुक्यातील संतापजनक घटना: ५० वर्षीय आदिवासी महिलेवर ट्रकचालकाने केला बलात्कार, आरोपीस अटक             गडचिरोली: स्थानिक स्वराज्य संस्थेच्या निवडणुकीत शिवसेनेचाच भगवा फडकणार- शिवसेनेच्या मेळाव्यात जिल्हा संपर्कप्रमुख किशोर पोतदार यांचे प्रतिपादन           

नवनिर्वाचित राष्ट्रपती द्रौपदी मुर्मू यांच्या विजयाचा गडचिरोलीत जल्लोष

Sunday, 24th July 2022 07:51:23 AM

गडचिरोली,ता.२४: देशाच्या नवनिर्वाचित राष्ट्रपती द्रौपदी मुर्मू यांच्या विजयाचा भारतीय जनता पक्षाच्या कार्यकर्त्यांनी रॅली आणि फटाक्यांची आतषबाजी करुन जल्लोष केला.

भाजपच्या अनुसूचित जमाती आघाडीचे राष्ट्रीय सरचिटणीस खा.अशोक नेते यांच्या नेतृत्वात ही रॅली काढण्यात आली. यावेळी कार्यकर्त्यांनी ढोल ताशांच्या गजरात नृत्यही केले. त्यानंतर इंदिरा गांधी चौकात सभा घेण्यात आली. द्रौपदी मुर्मू राष्ट्रपती झाल्याने देशभरातील आदिवासींचा यथोचित सन्मान झाला आहे. त्यांचे जीवन दलित, आदिवासींसाठी प्रेरणादायी आहे, असे खा.अशोक नेते यावेळी म्हणाले.

याप्रसंगी भाजपचे जिल्हाध्यक्ष किशन नागदेवे, जिल्हा महामंत्री प्रमोद पिपरे, प्रशांत वाघरे, गोविंद सारडा, माजी नगराध्यक्ष योगिता पिपरे, अनुसूचित जमाती आघाडीचे प्रदेश सरचिटणीस प्रकाश गेडाम, किसान आघाडीचे प्रदेश सदस्य रमेश भुरसे, महिला आघाडीच्या प्रदेश सदस्य रेखा डोळस, भाजयुमोचे जिल्हाध्यक्ष चांगदेव फाये, स्वप्नील वरघंटे, मोतीलाल कुकरेजा, संदीप कोरेत, सदानंद कुथे, लता पुंगाटी, विलास भांडेकर, संजय बारापात्रे, माजी जि.प. सदस्य रंजिता कोडापे, माजी नगरसेविका वर्षा शेडमाके, कुरखेड्याचे नगरसेवक अॅड.उमेश वालदे यांच्यासह अनेक कार्यकर्ते उपस्थित होते.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
GG418
  © 2014 - 2022 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना