गडचिरोली | --°C | --°C |
गडचिरोली, ता. ९: गडचिरोलीतालुक्यातील कळमटोला येथीलजंगलात गुरे चराईकरिता गेलेल्या इसमास वाघाने ठार केले. ही घटना आज दुपारी २ वाजताच्या सुमारास अमिर्झा-गडचिरोली मार्गापासून दीड किलोमीटर आत कक्ष क्रमांक ४१५ या जंगलात घडली. कृष्णा महागू ढोणे(६०)रा. कळमटोला, असे मृत इसमाचे नाव आहे.
घटनेची माहिती प्राप्त होताच वनाधिकाऱ्यांनी घटनास्थळ गाठून मृतदेहाचा पंचनामा केला. कालच देसाईगंज तालुक्यातील उसेगाव येथे एका इसमास वाघाने ठार केले होते.त्यानंतर आज गडचिरोली तालुक्यात वाघाने एकाचा बळी घेतला. सातत्याने वाघाचे हल्ले होत असल्याने शेतकरी प्रचंड भयभीत झाले आहेत.
जेथे वाघाचे अस्तित्व आहे; त्या जंगलात एकट्याने जाऊ नये, असे वनविभाग वारंवार सांगत असतानाही अनेक जण सूचनांकडे डोळेझाक करीत असल्याने वाघाच्या हल्ल्यांचे प्रमाण वाढले आहे.