/* */
शुक्रवार, 7 ऑक्टोबर 2022
लक्षवेधी :
  वाघाच्या हल्ल्यात गुराखी ठार: पोर्ला वनपरिक्षेत्रांतर्गत देलोडा गावानजीकच्या जंगलातील घटना             रक्तदान शिबिराद्वारे महेंद्र ब्राम्हणवाडे यांच्या जिल्हाध्यक्षपदाची वर्षपूर्ती साजरी             आरमोरीजवळच्या गाढवी नदीच्या पुलावर अपघात: गडचिरोलीचे आ.डॉ.देवराव होळी थोडक्यात बचावले             चारित्र्यावर संशय घेऊन पतीने केली पत्नीची हत्या: कोवानटोला-जपतलाई येथील घटना             एटापल्ली तालुक्यातील संतापजनक घटना: ५० वर्षीय आदिवासी महिलेवर ट्रकचालकाने केला बलात्कार, आरोपीस अटक             गडचिरोली: स्थानिक स्वराज्य संस्थेच्या निवडणुकीत शिवसेनेचाच भगवा फडकणार- शिवसेनेच्या मेळाव्यात जिल्हा संपर्कप्रमुख किशोर पोतदार यांचे प्रतिपादन           

लॉयड मेटल्सच्या शिबिरात ९२४ नागरिकांची आरोग्य तपासणी

Tuesday, 13th September 2022 12:24:37 AM

गडचिरोली,ता.१३: लॉयड मेटल ॲण्ड एनर्जी लिमिटेड कंपनीच्या वतीने एटापल्ली तालुक्यातील आलदंडी येथे रविवारी (ता.११) आरोग्य शिबिर घेण्यात आले.या शिबिरात परिसरातील ९२४ नागरिकांची आरोग्य तपासणी करून गरजूंना औषधोपचार व संदर्भ सेवा देण्यात आली. यावेळी ३५ जणांनी रक्तदानही केले.

हेडरीचे उपविभागीय पोलिस अधिकारी श्री.दडस यांच्या हस्ते शिबिराचे उद्घाटन झाले. प्रमुख अतिथी म्हणून एटापल्लीचे संवर्ग विकास अधिकारी मोहर, आलदंडी पोलिस मदत केंद्राचे प्रभारी अधिकारी येनपे, उडेराचे सरपंच गणेश गोटा, पोलिस पाटील महेश मट्टामी, भूमिया बिरसू मट्टामी, गाव पाटील चैतू मट्टामी, आलदंडीचे माजी सरपंच चैतू मट्टामी उपस्थित होते.

शिबिरामध्ये ९२४ नागरिकांची आरोग्य तपासणी करण्यात आली. यातील अस्थिरोगासंदर्भातील १२० जणांची तपासणी करुन १७ जणांना रेफर करण्यात आले. त्वचा रोगाच्या १०१ व स्त्रीरोगाच्या ७१ जणांची तपासणी करून ६ रूग्णांना संदर्भसेवा देण्यात आली. तपासणी केलेल्या ६७ बालकांपैकी चार बालकांना संदर्भित करण्यात आले आहे. शस्त्रक्रियेसंदर्भातील ४० जणांची तपासणी करून १४ जणांना संदर्भित करण्यात आले. कान, नाक, घसा रोगाच्या ४१ जणांची तपासणी करून सात जणांना संदर्भित करण्यात आले आहे. यासोबतच २५० जणांची नेत्र चिकित्सा करण्यात आली. ११० जणांना चष्मा वाटप, ८ इसीजी, मलेरिया चाचणी २४, डेंग्यू चाचणी १२ व १६ जणांची टायफाईड तपासणी तसेच ४० जणांची रक्त शर्करा तपासणी करण्यात आली.

बालरोगतज्ज्ञ डॉ. टी. स्वाती रेड्डी, शल्यचिकित्सक डॉ. रामचंद्र बोस नाईक, डॉ. रामक्रिष्ण गणपतीवार, कान-नाक-घसा तज्ज्ञ डॉ. पी. नागराजू,  अस्थीरोगतज्ज्ञ डॉ. साईचरण रेड्डी, त्वचारोग तज्ज्ञ डॉ. प्रणय गांधी, स्त्रीरोग तज्ज्ञ डॉ. अनंत जाधव, एटापल्ली ग्रामीण रुग्णालयाचे वैद्यकीय अधिकारी डॉ. गायत्री मारटकर, डॉ. जास्मीना टेंभुर्णे, अहेरी उपजिल्हा रुग्णालयाचे वैद्यकीय अधिकारी डॉ. चेतन इंगोले, ऑप्टोमेट्रिस्ट विवेक यांनी नागरिकांची तपासणी केली. तपासणी शिबिरामुळे स्थानिकांतून समाधान व्यक्त केले जात आहे.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
QFZSL
  © 2014 - 2022 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना