/* */
शुक्रवार, 7 ऑक्टोबर 2022
लक्षवेधी :
  वाघाच्या हल्ल्यात गुराखी ठार: पोर्ला वनपरिक्षेत्रांतर्गत देलोडा गावानजीकच्या जंगलातील घटना             रक्तदान शिबिराद्वारे महेंद्र ब्राम्हणवाडे यांच्या जिल्हाध्यक्षपदाची वर्षपूर्ती साजरी             आरमोरीजवळच्या गाढवी नदीच्या पुलावर अपघात: गडचिरोलीचे आ.डॉ.देवराव होळी थोडक्यात बचावले             चारित्र्यावर संशय घेऊन पतीने केली पत्नीची हत्या: कोवानटोला-जपतलाई येथील घटना             एटापल्ली तालुक्यातील संतापजनक घटना: ५० वर्षीय आदिवासी महिलेवर ट्रकचालकाने केला बलात्कार, आरोपीस अटक             गडचिरोली: स्थानिक स्वराज्य संस्थेच्या निवडणुकीत शिवसेनेचाच भगवा फडकणार- शिवसेनेच्या मेळाव्यात जिल्हा संपर्कप्रमुख किशोर पोतदार यांचे प्रतिपादन           

गडचिरोली जिल्ह्यात आढळले स्क्रब टायफसचे तीन रुग्ण

Thursday, 15th September 2022 07:32:37 AM

गडचिरोली,ता.१५: जिल्ह्यात स्क्रब टायफस या आजाराने शिरकाव केला असून, तीन जणांना या आजाराची लागण झाल्याचे निदान झाले आहे.

बाधित रुग्ण हे कुरखेडा, देसाईगंज आणि धानोरा तालुक्यातील आहेत. या तिघांना ताप आल्यानंतर त्यांचे नमुने नागपूरच्या वैद्यकीय महाविद्यालयात तपासणीसाठी पाठविण्यात आले होते. त्यांचा अहवाल आरोग्य विभागाला प्राप्त झाला असून, तिघेही जण बाधित आढळून आले आहेत, अशी माहिती जिल्हा आरोग्य अधिकारी डॉ.धवल साळवे यांनी दिली.

‘माईट’ या अतिशय लहान कीटकापासून स्क्रब टायफस या आजाराची लागण होते. ताप, डोकेदुखी, मळमळ अशी या आजाराची लक्षणे असून, त्वचेवर काळा चट्टा येतो. योग्य उपचार घेतल्यास रुग्ण आजारातून बरा होतो. रुग्ण दगावण्याची शक्यता केवळ ५ ते ६ टक्केच असते, असे डॉ.साळवे यांनी सांगितले.

राज्य सरकारने स्क्रब टायफस या आजाराविषयी राज्यभरात हाय अॅलर्ट जारी केला आहे. आता गडचिरोली जिल्ह्यातही या आजाराचा शिरकाव झाल्याने जिल्ह्यातील आरोग्य यंत्रणा सतर्क झाली आहे.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
1RENV
  © 2014 - 2022 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना