/* */
सोमवार, 29 मे 2023
लक्षवेधी :
  गण्यारपवार मारहाण प्रकरण: गावात येऊन बयाण घेण्याची साक्षदारांची मागणी             थेट बंगल्यावर जाऊन न्यायाधीशांना धमकावल्याप्रकरणी चामोर्शीचे पोलिस निरीक्षक राजेश खांडवे निलंबित             चामोर्शी कृषी उत्पन्न बाजार समितीचे माजी सभापती अतुल गण्यारपवार यांना मारहाण केल्याप्रकरणी पोलिस निरीक्षकावर गुन्हा दाखल करण्याचे प्रथमवर्ग न्यायालयाचे आदेश             चुडाराम बल्हारपुरे यांच्या ‘गोंडवानाचा महायोध्दा-क्रांतिवीर बाबूराव शेडमाके’ या नाट्यपुस्तकाचे २८ ला प्रकाशन              गडचिरोली जिल्ह्यातील तीन एसडीपीओंच्या बदल्या, पिपंरी चिंचवडचे सहआयुक्त प्रशांत अमृतकर गडचिरोलीचे नवे एसडीपीओ           

आ.डॉ.देवराव होळी अपघातात थोडक्यात बचावले

Wednesday, 5th October 2022 08:14:58 AM

गडचिरोली,ता.५: आरमोरी येथील दुर्गादेवीच्या दर्शनाला जात असताना गाढवी नदीच्या पुलावर मोटारसायकलस्वारास वाचविण्याच्या प्रयत्नात आ.डॉ.देवराव होळी यांच्या मोटारीला अपघात झाला. मात्र, आ.डॉ.होळी थोडक्यात बचावले असून, मोटारसायकलस्वार युवक जखमी झाला आहे. प्रलय सुधाकर मडावी(३०) रा.रायपूर, ता.चामोर्शी असे जखमी युवकाचे नाव आहे. ही घटना आज दुपारी साडेचार वाजताच्या सुमारास घडली.

आरमोरी येथील दुर्गोत्सव पंचक्रोशीत प्रसिद्ध आहे. आज गडचिरोली विधानसभा क्षेत्राचे आमदार डॉ.देवराव होळी हे गडचिरोली पंचायत समितीचे माजी उपसभापती विलास दशमुखे व अन्य सहकाऱ्यांसह दुर्गादेवीच्या दर्शनासाठी जात असताना गाढवी नदीच्या पुलावर एका मोटारसायकलस्वारास वाचविण्याच्या प्रयत्नात आ.होळी यांच्या मोटारीने समोरुन येणाऱ्या ट्रकला धडक दिली. यात मोटारसायकलस्वार प्रलय मडावी हा युवक जखमी झाला. मात्र, आ.डॉ.होळी, वाहनचालक आणि काही सहकारी एअरबॅगमुळे थोडक्यात बचावले. डॉ.होळी यांनी रुग्णवाहिका बोलावून जखमी युवकास आरमोरी येथील रुग्णालयात हलविले. घटनेची माहिती कळताच आरमोरी पोलिसांनी घटनास्थळी पोहचून वाहतूक सुरळीत केली.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
I04M2
  © 2014 - 2023 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना