/* */
शनिवार, 26 नोव्हेंबर 2022
लक्षवेधी :
  ३ कोटींच्या धान खरेदी घोटाळ्याप्रकरणी मुरुमगाव येथील खरेदी केंद्रप्रमुखास अटक:             मेडीगड्डा धरणग्रस्तांनी आ.जयंत पाटलांना सांगितली व्यथा             शेकापच्या मध्यवर्ती समितीच्या बैठकीत पहिल्या दिवशी पाच महत्वाचे ठराव पारीत: आ.जयंत पाटील, आ.श्यामसुंदर शिंदे यांच्यासह महत्वाचे पदाधिकारी उपस्थित             राज्यात सरकार आहे की नाही अशी स्थिती: शेतकरी कामगार पक्षाचे सरचिटणीस आ.जयंत पाटील यांची गडचिरोलीत टीका           

धान कापणीकरिता गेलेली महिला वाघाच्या हल्ल्यात ठार

Saturday, 12th November 2022 08:07:15 AM

गडचिरोली,ता.१२: धान कापणी करुन घरी परत येत असलेल्या महिलेवर हल्ला करुन वाघाने तिला ठार केल्याची घटना आज संध्याकाळी ५ वाजताच्या सुमारास गडचिरोली तालुक्यातील अमिर्झा टोली गावानजीक घडली. मंदा संतोष खाटे(३८) असे मृत महिलेचे नाव आहे.

मंदा खाटे यांच्या मालकीच्या शेतात आज धान कापण्याचे काम सुरु होते. त्याकरिता मजूर महिलांसह मंदा खाटे ह्यासुद्धा गेल्या होत्या. संध्याकाळी काम आटोपल्यानंतर इतर महिला घरी परत गेल्या. मात्र, मंदा खाटे शेतावर काम करीत राहिल्या. ५ वाजताच्या सुमारास घरी परत जात असताना दबा धरुन बसलेल्या वाघाने त्यांच्यावर हल्ला केला. यात त्या ठार झाल्या.

माहिती मिळताच वनाधिकाऱ्यांनी घटनास्थळ गाठून पंचनामा केला. अमिर्झा परिसरात यंदा वाघाने दोन ते तीन जणांना ठार केले आहे. वाघांच्या वाढत्या हल्ल्यांमुळे नागरिक भयभीत झाले असून, शेतीची कामे करणे दुरापास्त झाले आहे.

 


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
5N442
  © 2014 - 2022 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना