गुरुवार, 28 मार्च 2024
लक्षवेधी :
  अखेर मार्कडेश्वर मंदिराच्या जीर्णोद्धाराच्या कामाचा शुभारंभ             गडचिरोली: जिल्हाधिकाऱ्यांच्या निवासस्थानातील सुरक्षा रक्षकाची गोळी झाडून आत्महत्या           

गडचिरोली पोलिस ठाण्यातील हवालदार एसीबीच्या जाळ्यात

Saturday, 3rd December 2022 05:32:11 AM

गडचिरोली,ता.३: एका प्रकरणात दाखल गुन्ह्यात संबंधित व्यक्तीस अटक न करण्यासाठी त्याच्याकडून साडेतीन हजार रुपयांची लाच मागणाऱ्या हवालदारास आज लाचलुचपत प्रतिबंधक विभागाच्या अधिकाऱ्यांनी रंगेहाथ पकडून अटक केली. शकील बाबू सय्यद(५०) असे लाचखोर हवालदाराचे नाव आहे.

एसीबीने दिलेल्या माहितीनुसार तक्रारकर्त्याच्या आतेभावावर एका प्रकरणात गुन्हा दाखल आहे. परंतु त्याला अटक न करता जामीन मंजूर करण्यासाठी हवालदार शकील सय्यद याने तक्रारकर्त्यास ३ हजार ५०० रुपयांची लाच मागितली. मात्र, लाच देण्याची मुळीच इच्छा नसल्याने त्याने लाचलुचपत प्रतिबंधक विभागाकडे तक्रार केली. त्यानुसार या विभागाच्या अधिकाऱ्यांनी आज दुपारी पोलिस ठाण्यात सापळा रचला. यावेळी तपास कक्षात तक्रारकर्त्याकडून ३ हजार ५०० रुपयांची लाच स्वीकारताना हवालदार शकील सय्यद यास रंगेहाथ पकडण्यात आले.

एसीबीचे पोलिस उपअधीक्षक सुरेंद्र गरड यांच्या मार्गदर्शनाखाली पोलिस निरीक्षक श्रीधर भोसले, सहायक फौजदार प्रमोद ढोरे, शिपाई राजू पद्मगिरीवार, श्रीनिवास संगोजी, किशोर ठाकूर, संदीप उडाण, संदीप घोरमोडे, विद्या म्हशाखेत्री, तुळशीराम नवघरे आदींनी ही कारवाई केली.

 


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
MSFYM
  © 2014 - 2024 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना