/* */
शुक्रवार, 27 जानेवारी 2023
लक्षवेधी :
  झाडीपट्टीतील सुप्रसिद्ध नाट्यकलावंत डॉ.परशुराम खुणे यांना पद्मश्री पुरस्कार जाहीर             गडचिरोली पोलिस दलातील २९ अधिकारी व जवानांना राष्ट्रपती पोलिस शौर्य पदक जाहीर           

गोंडवाना विद्यापीठाच्या आंतरराष्ट्रीय कराराला उच्च व तंत्रशिक्षण विभागाची मान्यता

Thursday, 29th December 2022 05:58:23 AM

गडचिरोली,ता.२९: येथील गोंडवाना विद्यापीठाने रशियाच्या किरोव येथील व्याटका स्टेट युनिव्हर्सिटीशी केलेल्या सामंजस्य कराराला राज्याच्या उच्च व तंत्रशिक्षण विभागाने मान्यता प्रदान केली आहे.

नुकतेच उच्च व तंत्रशिक्षण विभागाने यासंबंधीचे पत्र गोंडवाना विद्यापीठाला पाठविले आहे. हे पत्र कुलगुरु डॉ.प्रशांत बोकारे यांनी विद्यापीठाच्या नवसंशोधन केंद्राचे संचालक डॉ.मनिष उत्तरवार यांना सुपूर्द केले. याप्रसंगी प्र-कुलगुरु डॉ.श्रीराम कावळे उपस्थित होते. हा सामंजस्य करार समान देवाणघेवाण तत्वावर आधारित आहे. या निमित्ताने विद्यार्थ्यांना रशियन भाषा शिकण्याची संधी गोंडवाना विद्यापीठामुळे उपलब्ध होणार आहे. सामंजस्य कराराच्या तरतुदींतर्गत पहिल्या उपक्रमाचा भाग म्हणून  प्राथमिक स्तरावर रशियन भाषेचा १०० तासांचा प्रमाणपत्र अभ्यासक्रम जानेवारी २०२३ पासून सूरू होत आहे. व्याटका स्टेट विद्यापीठ रशियन भाषा शिकवेल. त्या बदल्यात गोंडवाना विद्यापीठ इंग्रजी भाषेतील समान अभ्यासक्रम त्यांना देईल, अशी माहिती गोंडवाना विद्यापीठातर्फे देण्यात आली.

……………………


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
HG8JS
  © 2014 - 2023 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना