ठळक बातम्या
आमचे मत - तुमचे मत
 |
||
| गडचिरोली | --°C | --°C |
जनमताचा कौल
|| सुनामी ||
समुद्रात भूस्तरे सरकली
भूकंपे धरणी हादरली
समुद्रास ढवळून खवळली
किनारा चिरून आत शिरली ||१||
प्रलयंकारी लाट उसळली
कर्दनकाळ बनून आली
सुनामी राक्षसी भुकेली
पशू ,माणसे खाऊन गेली ||२||
मर्यादा ओलांडून आली
जहाजे , वाहने वाहून गेली
मृत्यूच्या रंगमंची चढली
तांडव नृत्य करून गेली ||३||
क्षणात अशी ती धडकली
उध्वस्त सारे करून गेली
घरे, गावे नामशेष झाली
शहरे सारी उधळून गेली ||४||
मृत्यूची पहाट उजाडली
प्रेतांचा सडा घालून गेली
चिखलात किती प्रेते रुतली
शहरात प्रेतकळा पसरली ||५||
हजारो तिने घेतले बळी
ओस पडली शहरे सगळी
अणूभट्टीत आग भडकली
उरली जनता बेघर झाली ||६||
एकवीसाव्या शतकात आली
शास्त्रज्ञास का नाही कळली ?
माणसा शून्यात ठेवून गेली
शास्त्रास आव्हान देऊन गेली ||७||
कवी - @सुरेश पित्रे.
पत्ता- " वैद्य सदन ", पहिला मजला, राघोबा शंकर रोड,
चेंदणी, ठाणे (पश्चिम) , पिन कोड क्र. - ४००६०१
भ्रमणध्वनी - ९००४२३०४०९
Email ID - kharichavata@gmail.com
तुमची प्रतिक्रिया लिहा
आमच्याबददल | संपर्क साधा | सुचना