गडचिरोली | --°C | --°C |
दुर्गम भागात पत्रके व बॅनर, बसफे-या रद्द
गडचिरोली, ता. २८ : नक्षल चळवळीचे जनक चारु मुजुमदार यांच्या स्मृतीप्रित्यर्थ 28 जुलैपासून ते 3 ऑगष्टपर्यंत शहीद सप्ताह पाळण्याचे आवाहन नक्षल्यांनी केले आहे. याबाबत नक्षल्यांनी जिल्ह्यातील दुर्गम भागात पत्रके टाकून व बॅनर बॅनर लावून बंदचे आवाहन केले आहे.या पार्श्वभूमीवर गडचिरोली व अहेरी आगारांनी दुर्गम भागातील काही बस फे-या रद्द केल्या आहेत.
दरवर्षी नक्षलवादी 28 जुलै ते 3 ऑगस्टपर्यंत शहीद सप्ताह साजरा करतात. या दरम्यान ठिकठिकाणी चकमकीत ठार झालेल्या नक्षल्यांचे स्मारक उभारण्यात येतात.शिवाय झाडे आडवी टाकून रस्ते बंद करणे व हिंसक कारवायाही केल्या जातात.यासंदर्भात रविवारी धानोरा तालुक्यातील मुरुमगाव-बेलगाव व चातगाव-कारवाफा मार्गावर शहीद सप्ताह पाळण्याचे आवाहन करणारी पत्रके आढळून आली.
शहीद सप्ताहाच्या पार्श्वभूमीवर पोलिस विभागाने दुर्गम भागात नक्षल विरोधीअभियान तीव्र केले आहे.