ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली, ता. २७ : चंद्रपूर येथून आष्टीकडे खाद्य तेलाची वाहतूक करणारे मालवाहू वाहन आष्टीनजीकच्या वैनगंगा नदीच्या पात्रात कोसळल्याची घटना घडली. आज रविवारी नौकेच्या साहाय्याने वाहनाचा शोध घेतलामात्र, त्याचा थांगपत्ता लागलेला नाही. विशेष म्हणजे या अपघातातून वाहन चालक व क्लिनर सुदैवाने बचावले. त्यांनी पोलिस ठाण्यात तक्रार केल्यानंतनर हा अपघात उघडकीस आला.

चंद्रपूर येथून एम.एच.33/1081 क्रमांकाचे महिंद्रा पीक-अप वाहन खाद्य तेलाचे बॉक्स घेऊन आष्टीकडे येत होते. पुरामुळे वैनगंगेच्या पुलावर पाणी वाहत असल्याने वाहन नदीकाठावर अडकून पडले होते. दरम्यान शनिवारी रात्री 11 वाजताच्या सुमारास पुलावरील पाणी ओसरल्याने महिंद्रा पीक-अप हे वाहन पुलावरून आष्टीकडे मार्गक्रमण करू लागले.मात्र, वाहन पुलावरून डळमळीत होऊन नदीत कोसळणार असल्याचे लक्षात येताच वाहनचालक सुधाकर गटलेवार रा.बोरी ता.अहेरी व क्लिनर सुमित मनोहर मोहुर्ले यांनी वाहनातून उडी घेतली. त्यामुळे दोघेही अपघातातून सुखरूप बचावले. घटनेची तक्रार आष्टी पोलिस ठाण्यात केल्यानंतर आज रविवारी नौकेच्या साहाय्याने नदीपात्रात बुडालेल्या वाहनाचा शोध घेण्यात आला. मात्र, वाहनाचा थांगपत्ता लागला नाही. या अपघाताबाबत शंका व्यक्त केली जात आहे.