ठळक बातम्या

• बालंबाल बचावले गडचिरोलीचे पोलिस! टि..
• जादुटोण्याच्या संशयावरुन वृद्धाला द..
• जादुटोणा प्रकरण: दोघांना जिवंत जाळण..
• दीड लाखांचे बक्षीस असलेल्या नक्षल स..
• आयपीएलवर ऑनलाईन सट्टा: दोघांवर गुन्..
• गडचिरोली:जादुटोण्याच्या संशयावरुन द..
• गडचिरोली: १८ लाखांचा सुगंधित तंबाखू..
• छत्तीसगडमधील चकमकीत गडचिरोली जिल्ह्..

गडचिरोली,ता.२७: शहरातील कारगिल चौकात आज दुपारी ३ वाजताच्या सुमारास पोलिस अधिकाऱ्याच्या वाहनाला अपघात झाला. या अपघातात गडचिरोलीचे उपविभागीय पोलिस अधिकारी प्रनिल गिल्डा हे थोडक्यात बचावले.

गडचिरोलीचे उपविभागीय पोलिस अधिकारी प्रनिल गिल्डा यांनी पाच दिवसांपूर्वीच आपल्या पदाची सूत्रे स्वीकारली आहेत. आज दुपारी ते आपला अंगरक्षक व वाहन चालकासह टाटा सुमोने जिल्हा पोलिस मुख्यालयाकडून शहरातील आपल्या कार्यालयाकडे परत येत होते. परंतु कारगिल चौकाजवळ ट्रकला ओव्हरटेक करताना चालकाचे नियंत्रण सुटल्याने सुमो रस्ता दुभाजकावर आदळून उलटली. मात्र, एसडीपीओ श्री.गिल्डा थोडक्यात बचावले. चालक व अंगरक्षकाला किरकोळ दुखापत झाली आहे. यावेळी उपस्थित उदय धकाते, महेंद्र वाघमारे ,बादल आरेकर आणि नंदू कुमरे आदींनी पोलिसांना वाहनातून काढण्यासाठी मदत केली. मुख्य म्हणजे ट्रक चालकाची कोणतीही चूक नसतांना त्याला नागरिकांनी मारहाण केली.

रस्त्याची रुंदी कमी केल्याने अपघातात वाढ

गडचिरोली-चंद्रपूर या राष्ट्रीय महामार्गाचे काम पूर्ण झाले आहेत. आता गडचिरोली-चामोर्शी या मार्गाचे काम सुरु आहे. राष्ट्रीय महामार्गाची रुंदी किती असावी, याचे काही निकष आहेत. परंतु शहरातील रस्त्यांवरच्या इमारती पाडाव्या लागतील, म्हणून महामार्गाची रुंदी कमी करण्यात आली. परिणामी राष्ट्रीय महामार्ग अरुंद झाले असून, त्याची परिणती अपघातांत होत आहे. सिमेंट काँक्रिटच्या पक्क्या रस्त्यांवर चक्क सायकलची चाके उमटली आहेत, इतके दर्जेदार काम या दोन्ही राष्ट्रीय महामार्गाचे झाले आहे. काम करताना ६०-७० वर्षांपासूनचे मोठे वृक्ष तोडण्यात आले. परंतु गेल्या दीड वर्षांत रस्त्याच्या कडेला साधे गुलमोहराचे झाडही लावण्यात आले नाही.