ठळक बातम्या

• बालंबाल बचावले गडचिरोलीचे पोलिस! टि..
• जादुटोण्याच्या संशयावरुन वृद्धाला द..
• जादुटोणा प्रकरण: दोघांना जिवंत जाळण..
• दीड लाखांचे बक्षीस असलेल्या नक्षल स..
• आयपीएलवर ऑनलाईन सट्टा: दोघांवर गुन्..
• गडचिरोली:जादुटोण्याच्या संशयावरुन द..
• गडचिरोली: १८ लाखांचा सुगंधित तंबाखू..
• छत्तीसगडमधील चकमकीत गडचिरोली जिल्ह्..

गडचिरोली,ता.१२: जिल्ह्यात सर्वदूर काल रात्रीपासून आज दुपारपर्यंत मुसळधार पाऊस पडल्याने १६ मार्गांवरील वाहतूक ठप्प झाली आहे.

मागील चोवीस तासांत गडचिरोली तालुक्यात सर्वाधिक ११७.१ मिलीमीटर पाऊस पडला. त्याखालोखाल धानोरा तालुक्यात ११५.९ आणि कोरची तालुक्यात ११३.७ मिलीमीटर पावसाची नोंद झाली. मुसळधार पावसामुळे नदी, नाल्यांना पूर आला आहे. भामरागडनजीकच्या पर्लकोटा नदीला पूर आल्याने काल रात्रीपासूनच भामरागड-आलापल्ली मार्ग बंद आहे.

शिवाय गडचिरोली-धानोरा, कुरखेडा-कोरची, असरअली-सोमनपल्ली या प्रमुख मार्गांसह गडचिरोली-गुरवळा, माडेमूल-रानमूल, चांदाळा-कुंभी, धानोरा-सोडे, पेंढरी-पाखांजूर, साखेरा-कारवाफा, पोटेगाव-देवापूर, साखरा-चुरचुरा, बामणी-उसेगाव, धानोरा-चातगाव, टेकडाताला-कंबलपेठा, असरअली-सोमनपल्ली एकूण १६ मार्गांवरील वाहतूक बंद झाली आहे. धानोरा येथे पंचायत समितीजवळ एक मोठे झाड कोसळल्याने वीज तारा तुटल्या. मात्र, यात कुठलीही जीवित हानी झाली नाही.

दरम्यान, तेलंगणा राज्यातील मेडिगड्डा प्रकल्पाचे सर्व ८५ दरवाजे उघडण्यात आले असून, त्यातून ८ लाख ४६ हजार ७१० क्यूसेक्स पाणी सोडण्यात येत आहे. यामुळे सिरोंचा तालुक्यात पुन्हा पूर येण्याची शक्यता वर्तविण्यात येत आहे.